Home Policial Recherche deteni na St. Maarten laga liber ayera

Recherche deteni na St. Maarten laga liber ayera

338
0
SHARE
- Advertisement -

ORANJESTAD(AAN)— Algun dia pasa a publica di e recherche deteni na St. marten y cu fin di siman pasa a haya un atake cerebral durante detencion y a wordo traslada pa hospital na St. Maarten frances.

Ministerio Publico di e isla a emiti un comunicado ayera informando cu e sospechoso J.G. di 42 aña di edad ta haya su libertad ayera mes riba peticion di despacho di fiscal.

Esaki relaciona cu su condicion medico y e recursonan limita cu tin den prison di Point Blanche pa atencion medico y atencion special cu mester pa e sospechoso.

Pero e huez di investigacion y e abogado a bay di acuerdo cu peticion di fiscal.

J.G. lo keda sospechoso den “Investigacion Tribon” unda e ta sospechoso di soborno, falsificacion y incumplimento cu confidencialidad. Su caso lo bin dilanti te dia 17 di October venidero.

Su libertad ta mara na condicionnan specifico. E no mag tin contacto cu otro sospechosonan den e caso. E lo entrega su paspoort y Carchi di identificacion na Ministerio Publico y lo no biaha pa exterior sin permiso di Oficina di fiscal.

Ademas e lo keda na disposicion di Oficina di fiscal y departamento di investigacion  cu ta Landsrecherche Sint Maarten.

- Advertisement -

DUNA COMENTARIO

Please enter your comment!
Please enter your name here