Home Deporte Reconocimento na Fundacion Lotto pa Deporte pa nan cooperacion 

Reconocimento na Fundacion Lotto pa Deporte pa nan cooperacion 

15
0
SHARE
- Advertisement -

ORANJESTAD (AAN) – Den e fin di siman tras di lomba, Aruba a host un competencia internacional di bodybuilding & fitness cu a conta cu un participacion di 38 pais rond mundo.

Mester bisa cu e evento tabata unico den su estilo mientras nos atletanan local a luci e dia aki. Varios pro-card a wordo reparti pa esnan cu a sobresali e dia aki.

Dialuna atardi presidente di Aruba Bodybuilding & Fitness Association, Sr. Giovanni Arendsz a pasa oficina di Lotto pa asina haci entrega di un plakaat como muestra di gradicimento na director di Lotto, Sr. Di Stefano Wernet.

Fundacion Lotto pa Deporte a contribui cu un suma substancial na e magno evento internacional aki.

“Lotto ta masha contento y orguyoso di por a contribui un bes mas na un evento internacional di taya manera e Giovanni Arendsz Classic 2018. E branding di e nomber di nos dushi isla di Aruba ta bolbe resalta internacionalmente mirando tur e paisnan cu a participa, e interes tabata sumamente grandi pa e evento organisa na Aruba.  Deporte ta trece hende serca di otro, nos mester uni pas asina nos como pais logra mucho mas”, Di Stefano Wernet a bisa den su speech chikito.

 

- Advertisement -

DUNA COMENTARIO

Please enter your comment!
Please enter your name here