Home General Resultado destaho publico Serlimar S G pa vehiculonan

Resultado destaho publico Serlimar S G pa vehiculonan

21
0
SHARE
- Advertisement -

ORANJESTAD (AAN)– Recientemente Serlimar S G a tene un destaho publico pa trucknan nobo. Serlimar S G tin e meta pa sigui crece y sigui brinda e comunidad di Aruba e servicio completo di calidad y pa cumpli cu esaki tur truck y material mester por opera 100% eficiente.

Tur compania cu kier a participa por a cumpra e bestek na Serlimar S G y por a analisa esaki. Serlimar S G a organisa un dia di pregunta unda tur compania interesa por a asisti y haci nan preguntanan. Ariba 25 di mei 2018 un total di 4 compania a inscribi pa e destaho publico cu a tuma luga na oficina Serlimar S G na San Nicolas. Termino y Condicionan aplicabel pa e destaho publico ta lo siguiente:

– Percela 1: Specificacion tecnico pa 13 truck di desperdicio residencial y 5 desperdicio comercial;

– Percela 2: Specificacion tecnico pa 4 roll-on roll-off trucks

– Percela 3: Specificacion tecnico pa 2 skidsteer loader

E destaho publico mes a cera 12.00 di merdia riba 25 di mei 2018 y tur cu a participa a cumpli cu esaki. Di 6 compania cu a cumpra e bestek, 4 compania a entrega nan oferta pa e tres diferente percelanan, y esakinan ta lo siguiente: A.I.S. Leasing Enterprises N.V., Arubaanse Wegenbouw N.V., Garage Centraal Aruba y R.E. Yrausquin & Sons. Presente na e destaho publico tabata Notario Johnson cu a ricibi tur e ofertanan di cada compania den un carta cera cu a wordo entrega oficial door di Serlimar S G . Despues di e destaho publico, Management Team y departamento di Beleid a controla tur e ofertanan aki, na un manera transparente y conforme cu regla di “good governance” y dia 26 juni 2018 a duna un advies final.

E compania cu a gana e destaho publico ta lo siguiente:

– Percela 1. 13 truck di desperdicio residencial y 5 comercial  R. E. Yrausquin & Sons;

– Percela 2. 4 roll-on roll-off    R. E. Yrausquin & Sons;

– Percela 3. 2 skidsteer loader    A.I.S. Leasing Enterprises N.V.

 

- Advertisement -

DUNA COMENTARIO

Please enter your comment!
Please enter your name here