Home General Reunion cu Piscadornan ta sigui pa asina haya sa mas di e...

Reunion cu Piscadornan ta sigui pa asina haya sa mas di e Marine Park

12
0
SHARE
?
- Advertisement -

ORANJESTAD (AAN): Clifford Rosa, director di Fundacion Rancho, ta elabora riba preocupacionnan cu piscadonan di Rancho tin relaciona cu Marine Park.

E tema di Marine Park ta conoci desde cu sr. Rosa tabata presidente di Hadicurari. Con nan por a lucha y pone e accento riba e desaroyo cu tin di e parti di medio ambiente, cual ta algo bon p’e flora y fauna. Actualmente tin hopi cosnan nobo cu hendenan no sa.

Locual a sali den medio di comunicacion tanto di Gobierno como sr. Alex Farro y demas piscadonan, cual ta hopi bon, pues ta mustra cu tin desaroyo. Como piscadonan di Rancho, nan ta preocupa y nan tambe kier un tiki mas kico ta desaroyo rond di e asunto di pesca y Marine Park.

P’esey mes nan ta sostene e intencion di e reunion cu tin e siman aki p’asina por haya sa mas, pero pa tene bon na cuenta si cu mester educa nos hendenan, mester tin un proceso transparente, cual no ta un proceso facil.

Sr. Rosa tin añanan den e mundo aki y ta compronde cu un cambio no ta bin facil y tin su contratiemponan. Sr. Rosa ta bisa cu nos ta un pueblo cu mester worde educa p’e parti con pa atende cu bida marino, con pa atende cu mundo di pesca, tradicion y historia. Tur esaki ta cosnan cu sr. Rosa ta para p’e. E ta motiva tur e piscadonan pa sali masalmente, pasobra cada un tin nan mesun dolor den nan cartera na momento cu tin decisionnan di Gobiern0 of departamentonan di Gobierno cu ta pisa riba e homber chikito. Como Fundacion Rancho, nan ta sostene e reunion aki y nan kier ta mas envolvi tambe, mirando cu nan ta protehando historia y cultura di e bario di Rancho, cual pesca ta un di nan cu ta hopi importante.

Sr. Rosa ta mustra cu Gobierno sa kico Fundacion Rancho ta para p’e y sinta na mesa pa elabora riba cierto inkietudnan semper ta bon, pasobra esey ta e caminda cu por logra haci palabracionnan. Aworaki nan ta den busca di con pa nan sigui cu e desaroyo economico di Rancho, cual tin haber cu ful e area manera waf di Rancho, e sistema di e mercado, productonan cu ta bin riba mercado, e parti di alimento.

Tin hopi desaroyo den Sector Primario, cual pa Fundacion Rancho ta hopi importante, mirando cu nan ta para pa un mercado caminda tur producto local mester por yega na un luga pa nos como comunidad por haci negoshi cun’e. Sr. Rosa ta haci un yamada general na tanto personanan cu ta biba di piscamento y personanan cu ta come pisca pa laga nan voz resona na e reunion di diaranson awo, 15 di Augustus, na Piedra Plat Entertainment Center pa 7’or di anochi. Como comedo di pisca, sr. Rosa ta sinti cu nos mester sostene e piscadonan di Rancho den cualkier desaroyo cu Gobierno kier trece cu lo por perhudica nan entrada.

Marine Park ta un proyecto cu ta existi pa añanan caba, pero awor nan kier cuminsa ehecut’e pa proteha cierto areanan. Sr. Rosa ta na altura di esaki y e ta kere como presidente di Fundacion Rancho e tin e autorisacion di papia over di esaki. Den pasado e no a haci’e hopi, pasobra e tabatin e funcion tambe como presidente di Hadicurari. Di acuerdo cu sr. Rosa, diferente sistemanan academico a worde accentua cu mester bin un Marine Park, pero nos como comunidad no ta prepara p’esey y ta pidi e asistencia di departamentonan di Gobierno educacion, pues nos mester worde educa pa biba cu un Marine Park.

No por t’asina cu Gobierno ta cambia un cos pa otro y trece un desaroyo cu den otro islanan den Caribe ya ta conoci. Si papia di Boneiro con adelanta nan ta cu nan Marine Park. Kico tur ta su efectonan. Nos como Aruba no ta tumando e pasonan necesario pa nos ta den e desaroyo ey, pa nos por cuida nos medio ambiente, pa nos por cuida nos piscanan p’asina generacionnan cu sigui despues di nos por tin pisca pa come.

 

- Advertisement -

DUNA COMENTARIO

Please enter your comment!
Please enter your name here