Home Social Ride, Walk, Run for the Roses 2018 ta tuma lugar Diadomingo 23...

Ride, Walk, Run for the Roses 2018 ta tuma lugar Diadomingo 23 di September

17
0
SHARE
- Advertisement -

ORANJESTAD (AAN)- E aña aki e Ride, Walk, Run for the Roses 2018 lo tuma lugar Diadomingo 23 di September proximo.

Diaranzon mainta Koningin Wilhelmina Fonds a tene un conferencia di prensa pa asina nan anuncia di nan siguiente actividad. Esnan cu a hiba palabra na e conferencia aki ta Sra. Lilly Prince, David Marchena di Koningin Wilhelmina fonds y Sra. Annie Dirksz, marketing manager di Alhambra Casino.

Diadomingo 23 di September proximo Koningin Wilhelmina Fonds Aruba ta organizando e tradicional Ride, Walk & Run for the Roses, cu e aña aki ta celebra su di 8 aniversario.

E meta di e actividad aki ta pa na un manera saludable y hopi dushi por recauda fondo pa e fundacion KWF Aruba por sigui brinda su servicionan na e comunidad di Aruba.

KWF Aruba ta distribui diferente material di conscientizacion tocante diferente tipo di cancer, ta participa na y ta organisa diferente charlanan y ta brinda apoyo directamente na e pashent di cancer, su famia y amistadnan. E rol di KWF ta specialmente pa e.o. asisti cu e thuiszorg di cada pashent y ofrecenan prothesenan necesario despues di un operacion di pecho. Tambe KWF ta cubri gasto di viahe di e dos begeleider ora un pashent mester bay afo.

Atravez di e evento di Ride, Walk & Run for the Roses tur hendepor haci tambe un colect bao famia, amigo of coleganan y haci un dedicacion special na un persona cu a fayece di e malesa di cancer of cu a cura die malesa aki. E fondonan recorda tambe lo bay pa sigi yuda otro personanan cu necesidad di ayudo y sosten di KWF.

E actividad ta sali y caba na parkinglot di Alhambra Casino. Eynan tambe tin diferente actividad pa mucha, musica y hopi premionan pa rifa.

Por haci inscripcion via facebook page di Koningin Wilhelmina Fonds Aruba. Y dia 19 di September por haci pago y busca bo tshirt na oficina di Koningin Wilhelmina Fonds na Spinozastraat 9 of por yama na 5820412.

 

- Advertisement -

DUNA COMENTARIO

Please enter your comment!
Please enter your name here