Home General Santo di Calichi a bira e solucion temporal pa preveni candela na...

Santo di Calichi a bira e solucion temporal pa preveni candela na Parkietenbos

26
0
SHARE
- Advertisement -

Serlimar ta indica

ORANJESTAD (AAN) – Parkietenbos un biaha mas tabata na candela. Sinembargo accionnan ta keda tuma mesora pa asina evita cu esaki por escala na un manera no desea, segun comunicado di prensa di Serlimar.

Serlimar S G ta monitoria e situacion na e planta pa asina evita cu e situacion lo empeora. Loke cu na e momentonan aki ta keda haci, ta cubri e candela cu santo di calichi cu ta bin di Sero Tijshi.  Den e ultimo dianan aki mirando cu e solo y aire cayente cu ta keda acumula ta crea e situacion fastioso riba Parkietenbos.

E santo calichi di Sero Tijshi ta un santo nutriente y compact cu por tapa e candela di biaha. E calichi aki no ta keda poni solamente na momento cu tin e candela, pero na otro areanan tambe pa asina preveni candelanan espontaneo den futuro.

Esaki ta un solucion temporal te na momento cu Serlimar S G cuminsa cu e remediacion completo di Parkietenbos y asina por cumpli cu tur e rekisitonan di e era moderno cu mundo ta aden. E paso aki ta pa preveni dos situacion riba planta di Parkietenbos, uno ta pa preveni candela den futuro, y na di dos lugar e ta pa preveni cu e desperdicio los ta bula bay den awa of becindario.

E diferencia di e santo di calichi compara cu e otro santonan, ta cu e calichi por haci miho trabao na e momentonan aki riba Parkietenbos. E santo di calichi ta un santo special cu ta bini di piedra di Sero Tijshi y e ta wordo coba eynan mes pa Serlimar S G, nan ta wordo garna y keda transporta pa Parkietenbos, enbes cu nan keda hala un banda nan ta wordo bon uza riba Parkietenbos na un forma responsabel. Serlimar S G lo laga cubri ful e parti cu constantemente tin problema cu candela pa asina preveni cu candela ta cende cada bes na un forma espontaneo.

Serlimar S G ta na altura di tur e problemanan cu tin di desperdicionan cu ta keda treci na Parkietenbos y a bini cu e solucion aki pa evita e molester di mas grandi cu ta candela, mientras cu ta trahando riba e solucion definitivo pa remedia Parkietenbos y cuminsa cu e proceso di un lanfill sanitario.

 

- Advertisement -

DUNA COMENTARIO

Please enter your comment!
Please enter your name here