Home Noticia Internacional Santos a firma decreto cu ta otorga residencia di 2 aña pa...

Santos a firma decreto cu ta otorga residencia di 2 aña pa venezolanonan

38
0
SHARE
- Advertisement -

ORANJESTAD(AAN)– Presidente Juan Manuel Santos di Colombia a firma ayera Decreto 1288 di 2018, pa medio di cual ta adopta medidanan pa garantiza acceso di personas inscribi den Registro Administrativo di Migrantenan Venezolano na e oferta institucional y cu ta dicta medidanan tocante bolbimento di colombianonan.

E  Decreto ta establece regularizacion temporal di e 442.462 venezolanonan cu e Registro a realiza y cu a drenta Colombia y cu lo tin permiso di permanencia temporal di dos aña y acceso na servicionan basico disalud, educacion y trabao.

“Nos ta sigui apoya venezolanonan y e colombianonan cu a bolbe, manera nos ta hacienda te ainda”, e president a bisa y añadi cu esaki tabata tema di politica di gobierno y Estado y lo wordo entrega na proximo gobierno regulaizacion di 820  mil venezolano.

“Esaki ta un logro internacional riba materia migratoria”, el a sostene y maniefsta cu mientras mundo ta debate riba restriccionnan migratorio, Colombia ta actuando bao di principionan, esun mas importante  ta di ta solidario cu solidaridad y cu un politica serio di integracion di migrantenan y esnan cu ta bolbe.

E decreto ta permiti tambe pa muchanan “ haya studio basico y media academica gratis”. Y ademas lo traha den direccion di cubri tambe nan estudio de educacion superior”.

Riba tereno di  salud, nan lo  sigui tin acceso na atencion di urgencia, por afilia na sistema di seguridad social riba salud via SISBEN y muhernan gestante por haya tambe control prenatal.

E hefe di Estado na final a reitera su condena di regimen venezolano. “Un regimen cu no ta scucha y cu ta mantene den estado di negacion total. Mi ta insisti pa nan permiti un canal humanitario pa alivia den algo e sufrimento di su pueblo”, el a insisti.

- Advertisement -

DUNA COMENTARIO

Please enter your comment!
Please enter your name here