Home General Segun Utilities Aruba N.V. no tin aumento di tarifa di awa y...

Segun Utilities Aruba N.V. no tin aumento di tarifa di awa y coriente

83
0
SHARE
DCIM100MEDIADJI_0055.JPG
- Advertisement -

ORANJESTAD (AAN) — Den un comunicado Utilities Aruba N.V. ta menciona ayera cu e informacion cu a keda publica tocante aumento di tarifa ta eroneo.

“Den medionan di comunicacion a sali un relato basa riba un carta cu WEB lo a manda na Utilities Aruba NV, den cual carta WEB ta pidi pa hisa e tarifanan.

Utilities Aruba NV tin e carta den tratamento y a pidi WEB haci algun ehercicio pa baha gasto prome cu hisa prijs”, segun Utilities cu ta sigui menciona: “ No ta un secreto cu e nivel di gastonan di companianan estatal ta hopi halto, y cu e solucion mas facil den nan bista semper ta pa hisa tarifa.

Asina por bisa cu prijs di crudo a subi mas cu 30% desde cu Gabinete Wever-Croes a sinta.

Ainda e dolor financiero di e ‘extreme hedging’ pa 3 aña y e inversion den un linea di gas pa Ecogas a come hopi di e placa cu WEB tabatin.

Di otro banda e doño di e compania, Pais Aruba, kier evita cueste loke cueste pa hisa prijs di awa y coriente y lo haci esaki solamente despues cu tur otro alternativa wordo explora y resulta cu berdaderamente no tin otro solucion.”

Segun WEB, debi na aumento di prijs di crudo internacionalmente mester hisa e prijs, y debi na e hecho cu pa soluciona e problema di Astec, mester bay na un azeta mas limpi y mas caro.

Riba esaki tambe Gobierno tabata hopi cla: no ta asina cu ta WEB so mester carga e gastonan y Gobierno a instrui Utilities y WEB pa hunto cu e stakeholders yega na reparticion di gastonan.

Pues WEB y Utilities ta haciendo nan esfuersonan ainda pa yega na claridad.

Basa riba tur esaki, un aumento di tarifa na e momento aki, no a wordo proponi na Gobierno.

Utilities Aruba N.V. ta lamenta cu informacion eroneo ta wordo publica pa prensa, segun comunicado di Hunta di Comisario di Utilities Aruba NV.

 

- Advertisement -

DUNA COMENTARIO

Please enter your comment!
Please enter your name here