Home Deporte Shariska Winterdaal cu un challenge di 20 ora coriendo bicicleta

Shariska Winterdaal cu un challenge di 20 ora coriendo bicicleta

63
0
SHARE
- Advertisement -

ORANJESTAD (AAN)- Stichting Frank Polanco a tene un conferencia caminda nan a anuncia nan siguiente proyecto pa asina yuda 4 mucha den necesidad. E hazaña di e aña aki ta caminda Shariska Winterdaal lo bay core 500km riba bicicleta cu ta un challenge di 20 ora.

Aña pasa e hazaña tabata pa core 100km na pia y esaki David Polanco di Stichting Frank Polanco mes a haci, unda el a cumpli cu un logro historico y alaves yuda esnan mas den necesidad pa loke tambe e fundacion ta para pe.

E aña aki David a dicidi di acerca un di Aruba su mihor atletanan femenino di coremento di tur tempo esta Shariska Winterdal pero e biaha aki no pa core na pia sino riba bicicleta.

E hazaña aki lo bay tuma lugar dia 15 di December pa 4’or di atardi caminda e atleta Shariska Winterdal lo inicia cu kizas e reto mas grandi den su bida como deportista unda e lo cuminsa e recorido di 500km riba bicicleta. Pa 12’or  merdia dia 16 di December e lo mester crusa e meta final. E biaha aki tambe lo core pa un bon causa unda cuater mucha menos afortuna lo haya e donacion recauda.

Segun Shariska “E aña aki David a asercami cu un reto grandi y mirando cu mi ta practica bicicleta hopi e ultimo tempo nos a dicidi di ban cu e challenge pami core 500km. Mi ta hopi exita pami haci esaki, door mi ta bon den entrenamento, demostrando progreso tur dia.

Pa loke ta e dia di e evento mi lo wordo acompaña pa hopi hende y tur hende ta welcome pa apoya”.

Pa David Polanco semper Shariska tabata un ehempel, motivacion y inspiracion pa e ser femenino na Aruba. E logronan di Shariska tabata papia pa su mes. Ta masha hopi mes Shariska a haci pa Aruba y awor sigur e ta para dilanti un reto grandisimo di 500km, reto nunca ainda haci na Aruba.

No tabata tin un miho ser femenino pa acerca cu ta Shariska pa haci esaki. Fundacion Frank Polanco ta masha gradici na Shariska cu a tuma e reto aki y mesora a acepta di bay pe y sigur pa e causa cu e ta haci pe.

Pa tur cu ta interesa di haci un donacion por haci esaki libremente na Stichting Frank Polanco.

 

 

- Advertisement -

DUNA COMENTARIO

Please enter your comment!
Please enter your name here