Home Estilo Siguiente anochi di informacion “Con pa señala abuso di mucha y kico...

Siguiente anochi di informacion “Con pa señala abuso di mucha y kico pa hasi” lo ta dia 5 di September

44
0
SHARE
- Advertisement -

 

ORANJESTAD (AAN)-  Net prome cu vakantie grandi escolar e campaña di “No Sconde Mas” a ser inicia cu e meta pa trece e topico di abuso di mucha dilanti den un luz unda cu e por wordo discuti y papia den nos comunidad. Den e periodo ey te awor a presenta varios comercial di television y social media cu a cubri Abuso Sexual, Abuso Verbal y Abuso Fisico. Tambe por a sigui e campaña aki den corantnan y tambe por a wak un entrevista tocante e tema delicado aki  unda cu  cu trahador social Sra. Janine Rodriguez a papia abiertamente tocante e problema y di con casonan ta bira mas.

Siman pasa, Kiwanis Club of Aruba y Cruz Cora Aruba a bai over na di dos parti di nan campaña yama “No Sconde Mas”. E publico en general, muy en particular e habitantenan di San Nicolas a wordo libremente invita na Teresita Center pa scucha dos profesional, esta Sra. Trudy Hassel y Sra. Janine Rodriguez, den un sesion di informacion con pa señala abuso di mucha y kico pa hasi.   E sesion di informacion a wordo teni den forma di un dialogo unda cu varios hende presente a lansa varios pregunta. Pediatra Dr. Rafael-Croes tambe ta un di e oradornan, pero lo ta presente durante di e siguiente luna.

E siguiente sesion di informacion ta tuma lugar dia 5 di September 2018 na Centro di Bario di Noord entre 7’or pa 9’or di anochi y ta completamente gratis.

Por sigui e campaña y fechanan di sesion den bario di  “No Sconde Mas’ riba e paginanan Facebook di Kiwanis Club of Aruba y Red Cross Aruba.

 

 

 

- Advertisement -

DUNA COMENTARIO

Please enter your comment!
Please enter your name here