Home General Sindicato sa cu tabatin mal maneho na NV Elmar

Sindicato sa cu tabatin mal maneho na NV Elmar

99
0
SHARE
- Advertisement -

Raymond Maduro di Sindicato Alvast

ORANJESTAD (AAN): E informacion rond di e supuesto iregularidad na NV Elmar ta sigui.

“Como representante di directiva di Alvast, mi ta di opinion cu e investigacion den e presunto irregularidad na compania NV Elmar den e Departamento  di magazijn, mester sigui su Caminda.  E sindicalista ta pensa cu e mester worde finalisa mas pronto posibel,” Raymond Maduro di Sindicato Alvast di Elmar a indica.

Sindicato ta convenci, cu e dos empleadonan mester haya un fair chance  pa defende nan mes, door di duna nan comentario of clarificacion riba e resultado di e rapport preliminar, prome cu e rapport bira oficial , e manera of e metodo cu gerencia y e investigadornan a usa pa interoga, no ta esun mas corecto, pasobra gerencia  mester a hinca e caso  aki den man di Ministerio Publico.

El a mustra cu Sindicato Alvast ta boga pa e berdad sali na cla, y si resulta cu tabatin iregularidad, husticia mester cana su caminda.

Encuanto e suspension di e director di NV Elmar sr, Robert Henriquez, segun e Sindicalista esey tabata necesario, pa dune un cooling-off period.  A ser mustra cu kehonan a worde duna riba su mal maneho di parti di miembronan/ sindicatonan  na e board di Utilities Aruba NV.

Directiva di Alvast  kier ta bon cla, pa tur hende por compronde, cu puntonan aki cu a worde treci padilanti, y no ta nada nobo.

“Nos preocupacionnan a worde  treci na mesa pa añanan largo, y te cu awe no mira un solucion y cu e board cu a caba di baha esta e Raad van Commissarissen y Utilities  tabata hopi bon na altura, y cosnan a sigui bira peor na e compania.”

Segun Alvast: “No tabata tin un vision ni un bon maneho, vakbond ta opta  pa no divulga detaye, pero kier menciona cu ta trata  di acusacion hopi serio  di conflict of interest, privilegiado di cierto hefenan hopi yega na e director, ‘toko den toko’ cu interesnan financiero  cu ta core den miyones.”

Tambe Alvast a menciona desorganizacion di e compania, comportacion  cu no ta apropia , pa un director  di un compania estatal esta NV Elmar  y un maneho desastroso.

Maduro a mustra, cu kehonan a worde entrega  hunto cu e acusacionnan na Supervision pa haci un investigacion.  Pero Sr. Henriguez  no a funciona na interest  di compania NV Elmar y cu  su poder autoritario, a haci y deshaci na compania sin cu ta tin un control riba dje, y di cual Utilities tambe tin falta den esaki.

Directiva di Sindicato Alvast ta convenci cu e resultado di e investigacion confirma  tur loke, cu a wordo treci padilanti pa parti di Sindicato- y Miembronan durante e ultimo luna- y añanan.

Pa Diaranzon mainta directiva di Alvast a worde invita pa un reunion cu e board nobo, y lo bay puntra con leu e  investigacion  y schorsingnan ta riba e dos miembronan  y e director di Elmar.

 

- Advertisement -

DUNA COMENTARIO

Please enter your comment!
Please enter your name here