Home Gobierno Sistema digital nobo pa tramita permisonan ta trahando bon

Sistema digital nobo pa tramita permisonan ta trahando bon

19
0
SHARE
- Advertisement -

Kathy Ruiz-Paskel (DIMAS):

ORANJESTAD  (AAN): Dimas a cuminsa cu e sistema SIRSA (Sistema di Innovacion di Registro Stranhero Aruba) na September aña pasa cu hopi reto na comienso, cu e sistema. Di mes nan ta caba di traha manual pa traha digital, segun directora di Dimas, Kathy Ruiz-Paskel, kende a agrega cu e trahadonan di Dimas mester a traha na un diferente manera.

Desde Maart, cos a cuminsa stabilisa y a midi nan mes con e ta bayendo. A pone un target pa permisonan cu ta prolongacion, cual ta un target di dos siman pa atende un renobacion y pa tur otro permiso, esta prome permiso of wijziging, a pone un target di un luna. Ta midi asina con ta logra esaki.

Pa locual cu ta Maart p’adilanti, pa e parti di prolongacion, ta logrando un 78.8% dentro di e tempo di dos siman. Esaki Dimas ta hopi contento cun’e. Esey no ta nifica cu e hende aki ta haya semper un contesta positivo. E ta un contesta, e por ta algo positivo, cual ta caba den forma di un permiso y un carnet. Y Si e ta negativo tambe e ta wordo notifica pakico e ta negativo, cual e persona por haci uzo di su derecho di prolongacion si e ta desea.

Pa loke ta prome permiso, di Maart pa 9 di Juli, a midi’e tambe. E cifranan per 9 di Augustus, a logra 70.9% den un luna. Eynan tin ainda trabao pa haci, pasobra lo kier yega pa fin di e aña aki cu tin 80 of 90% procesa dentro di e cantidad di tempo cu a stipula. E ta canando bon.

Locual cu Dimas mes ta mira cu tin cu keda ripiti y informa, recorda e hendenan ta cu no lo bay avisa nan mas den e manera tradicional di manda un carta cu algo ta cla. Bo mes mester sigui bo peticion via di e website di Dimas, hinca bo number den e tracking device y e lo bisabo si bo tin algo cla pa busca. Dimas ta kere cu hopi di e permisonan cu ta cla, tambe atrobe no a wordo recogi ainda. Ta algo cu ta den e fase di transicion cu pa e cliente ta algo nobo.

Antes semper e tabata haya un notificacion via Postkantoor y door di esey e ta haya sa cu algo ta cla. Awor aki ta spera un tiki mas di e clientenan. Kier empodera nan pa nan mes subi website haci un cita. Nan mes download formulario y awor kier pa nan check tambe si nan permiso ta cla.

Esey ta algo cu ta hopi importante y segun Ruiz-Paskel, mas y mas nan lo ta trahando cu e sistema aki. Tambe ta bay rekeri cu e persona tin su propio email. Si tin su email registra den e sistema, na final e ta bira hopi mas facil pa comunica na dje cu tin algo cla, e ora eynan bo ta gana e eficiencia cu bo kier a logra cu introduciendo un sistema innovativo.

E ta canando bon. Sigur Dimas kier pa e ta mas miho. Pero lo sigui midi su mes y ta satisfecho di loke a logra te awor aki.

 

 

- Advertisement -

DUNA COMENTARIO

Please enter your comment!
Please enter your name here