Home Economia Situacion actual di e consumidor ta permanece pesimista

Situacion actual di e consumidor ta permanece pesimista

124
0
SHARE
- Advertisement -

Segun Banco Central

ORANJESTAD  (AAN): Sentimento di e consumidor a empeora den e di dos trimester di 2018, mandando e Indice Confiansa di Consumidor te 93,8 (igualando e cifra mas abou yega na di tres trimester di 2014), segun e ultimo resultadonan di e Encuesta di Confiansa di Consumidor (CCS) di Banco Central di Aruba.  Esaki por mira riba e prome grafico.

Consumidornan na Aruba tabata positivo riba nan situacion financieniero personal actual, cu un indice cu a subi te na 100,2. E otro componentenan di e situacion actual di e consumidor a permanece pesimista y consecuentemente tabatin solamente un subida chikito den e Indice di Situacion Actual for di 93,9 te na 94,3 (Grafico 2).

E Indice di Expectativanan a cay na 93,5, unda cu consumidornan a raporta un bista mas negativo riba tur e componentenan di e indice. Expectativanan laboral pa futuro a baha significantemente ya cu 67,8% di respondientenan a indica cu haña un trabou lo ta mas dificil den e siguiente 6 luna (42,8% den e trimester previo).

E Indice di Habito di Consumo a empeora den e trimester bou di revision (Grafico 2). Consumidornan tabata solamente positivo pa bai cu vakantie, probablemente causa pa e prospecto di vakantie benidero. Mientrastanto, e gran mayoria di respondientenan (95,8%) ta anticipa cu prijsnan lo subi den e siguiente 6 luna resultando den un Indice di Expectativa di Prijs di 90,1 (0.1 punto lew di indice mas abou posibel).

Resumiendo, e empeoracion den e confiansa di consumidor ta atribui na caida den tur componente di confiansa di consumidor cu excepcion di  e situacion actual di consumidor (Tabel 1)

- Advertisement -

DUNA COMENTARIO

Please enter your comment!
Please enter your name here