Home Enseñanza SKOA percurando pa cada lokaal tin maximo 29 alumno sinta

SKOA percurando pa cada lokaal tin maximo 29 alumno sinta

62
0
SHARE
- Advertisement -

Un cantidad basta grandi di mucha ta cuminsa school basico y preparatorio

ORANJESTAD(AAN): Nos ta den porta di un aña escolar nobo, 2018-2019. Y SKOA ta prepara pa esaki. Josette Daal, directora di e fundacion, a splica cu e maestronan di school ta na nan luga.

Pa loke ta e cantidad di mucha cu ta cuminsa school basico Catolico ta 898 mucha. 916 mucha ta cuminsa cu school preparatorio. For di eynan tin un preocupacion, pasobra tin 77 mucha cu ainda no por ofrece un ubicacion. Esey ta bin pasobra e gruponan di kleuterschool ta hopi grandi. E klasnan a yena, segun Daal.

Pa aña escolar nobo aki, lo tin 28 mucha te cu 29 alumno den cada lokaal den cierto schoolnan. E ta keda un opcion pa SKOA, pasobra e lema ta cu kier duna bon enseñansa, y si cada biaha e grupo ta bira mas grandi ta mas dificil pa brinda e mucha chikito vooral, un bon enseñansa.

E aña aki tabata tin tambe un grupo basta grandi cu cambio di school, cu ta muchanan cu ta bin di otro instancianan di school, mas of menos 200 mucha. E ta sali for di diferente otro instancia cu ta scoge pa bin un school di SKOA.

Pa loke ta schoolnan cu ta bay worde drecha, un di nan ta St. Aloysius School di Noord. Awor aki nan lo bay e edificio di ex-VAD Drukkerij na Boulevard, unda cu e doñonan a parti e luga pa nan por drenta eyden. Nan no ta cla pa habri diahuebs venidero, cua ta un contratiempo. Den e dianan aki mayornan mester tene na cuenta cu prensa, pasobra lo laga sa precies ki dia St. Aloysius School lo habri.

Por lo general, tin tambe un otro preocupacion, cual ta Imelda Kleuterschool. A sali tres aña pasa for di nan edificio y SKOA no sa kico ta bay para di e school ey. E ta bay haci tres aña den un luga cu no ta adecuado pa un kleuterschool. Ta preocupacionnan cu SKOA tin actualmente.

    Tin maestro suficiente?

E pregunta ta keda awo, si tin suficiente maestro. SKOA ta keda bay un otro pais, segun Daal, pa recluta maestronan di school, pasobra no tin suficiente pa por acapara tur school.

SKOA ta e instancia di mas grandi, tur aña nan ta recluta 20 pa 25 maestro di school. Nan no ta keda Aruba, nan ta hobennan cu kier core tiki experiencia den un otro pais. Den e caso aki nan ta scoge Aruba, pasobra nos ta forma parti di Reino Hulandes. Nan ta bin pa un aña so. Ora cu e otro aña cu e hobennan aki bay back, ta busca un otro pa reemplase.

Esey ta un bottleneck cu SKOA ta señala pa basta aña caba, cu ta fastioso. E school no por traha riba su team tampoco. Ta haya un maestro cu ta bin pa un aña so. Bo ta inverti den dje, pero despues di un aña e ta bay back su pais. Ta desaroyonan cu no tin continuacion e ora den un school.

- Advertisement -

DUNA COMENTARIO

Please enter your comment!
Please enter your name here