Home Hudicial Sospechoso di menaza di morto ta keda encarcela

Sospechoso di menaza di morto ta keda encarcela

145
0
SHARE
- Advertisement -

Hues a nenga peticion pa libertad

ORANJESTAD (AAN) –  E homber I.B. acusa di menaza di morto a pidi Hues pa e bay liber pendiente di e caso pasobra e ta e unico cu ta trahando na cas y ta yuda su mama. Fiscal a reacciona cu e motibo personal no por pisa mas cu e caso penal. Hues a nenga e peticion y I.B. ta keda sera te dia 2 November 2018 ora cu lo trata e caso.

MENAZA CU ARMA

Fiscal a bisa cu e acusacion contra I.B. ta cu riba 13 April 2018, e tabatin un di arma di candela caminda el a bay na un cas y tira na laira varios biaha. Fiscal ta haya cu esaki ta un menaza di morto. Tambe Fiscal ta acusa I.B. di posecion di marihuana.

SOSPECHOSO KIER BAY LIBER

Fiscal a bisa Hues cu e caso ta pro forma door cu ta den receso. El a propone pa dia 2 November 2018 trata e caso.

Abogado mr. Kock a pidi Hues pa suspende I.B. su detencion. E motibo cu mr. Kock a trece padilanti pa suspende I.B. su detencion ta, cu I.B. ta e unico cu ta trahando pa yuda su mama cu entrada pa mantene su yiunan y su mama. E abogado a duna Hues carta di doño di trabou cu ta mustra cu I.B. por keda cu su trabou y tambe cu e mama no tin trabou mas.

CARTA PRIVA PA HUES

Ta asina cu e sospechoso I.B. a duna Hues un carta di cosnan priva di dje cu e kier pa Hues ta na altura. El a bisa cu e no kier pa esaki ta conoci pa tur hende.

FISCAL TA REACCIONA

Despues cu Hues y Fiscal a mira e carta, Fiscal a bisa Hues cu I.B. a bay na cas di su ex amiga cu kende lo tabatin problema y a tira den halto.

Fiscal ta haya cu I.B. mester a pensa bon promer cu el a haci esaki. Fiscal a sigui bisa cu e ta haya cu circumstancia personal di I.B. ta pisa menos cu e caso penal. El a pidi Hues pa rechaza e peticion.

Abogado mr. Kock a reacciona cu mester prueba ainda contra I.B. kende ta desmenti y Fiscal no por bay dicidi riba algo cu ainda no tin un decision. I.B. mes a bisa cu nan kier haci denuncia falso contra dje.

SOSPECHOSO TA KEDA SERA

Hues a bisa cu tin motibonan di peso contra I.B. El a bisa cu e ta compronde e situacion di I.B. pero e caso penal ta pisa mas. Hues a rechaza e peticion di abogado mr. Kock y a pospone e caso pa dia 2 November 2018.

 

- Advertisement -

DUNA COMENTARIO

Please enter your comment!
Please enter your name here