Home Social Stichting Maneho Social Aruba a entrega 100 basket cu material escolar

Stichting Maneho Social Aruba a entrega 100 basket cu material escolar

81
0
SHARE
- Advertisement -

Presidente Ricardie Yrausquin a splica:

ORANJESTAD (AAN)—Den entrevista cu Matutino DIARIO, e Presidente di Stichting Maneho Social Aruba, sr. Ricardie Yrausquin, a duna informacion tocante e 100 pakete cu material escolar cu nan a entrega.

Entrega di e basketnan aki a tuma lugar den e oficina di e Stichting, ubica den Centro di Bario Tanki Leendert.

Esaki despues di un evento cu a wordo teni na Colegio EPI. E entrevista aki a tuma lugar den sede di e Stichting unda tabata tin algun pakete cu a falta pa entrega.

E prome entrega tabata di 65 pakete y tabata falta ainda entre 35 y 40 pa wordo reparti.

Yrausquin a duna di conoce cu esaki a bay den cooperacion cu comercio y e fundacion ta hopi gradici na nan.

El a gradici tambe tur esnan cu a bishita e expo “All in One Living Expo” y tur e comerciantenan cu a bin e diaranzon ainda cu scol a cuminza, pa yuda e muchanan dunando nan jeans, keds, tas di scol pa asina tur e muchanan haya nan articulonan escolar.

E Stichting sa cu tin mucha cu pa falta di material escolar no a logra di presenta na scol, pero nan tabata yudando nan ainda y e fundacion ta contento cu esey.

Un dama comerciante cu tambe a hiba palabra a expresa cu nan a yena tur e basketnan cu hopi amor, y a comenta cu e proyecto a resulta den henter un exito, unda a traha mas cu cien basket cu material escolar.

Tambe a inclui den e paki cosnan pa cabey, por ehemplo pa mucha muher pa peina bunita y tambe peine pa pieu.

Sr. Yrausquin a agrega na esaki cu nan tin seis luna trahando den background.

 

 

- Advertisement -

DUNA COMENTARIO

Please enter your comment!
Please enter your name here