Home Gobierno Stichting Parke Marino lo wordo rigi pa un Conseho di Supervision

Stichting Parke Marino lo wordo rigi pa un Conseho di Supervision

13
0
SHARE
- Advertisement -

Minister Otmar Oduber a splica:

ORANJESTAD (AAN) – Den e contexto di Parke Marino, cu lo wordo oficializa via ley, Minister Otmar Oduber a menciona, den conferencia di prensa, cu a scoge tres areanan specifico cu ta cay bao di e Parke Marino den su prome fase di introduccion.

Minister Oduber a indica cu entre 15 pa 20 aña caba (desde añanan 90) ya caba e tres areanan a wordo identifica como esnan mas grandi y mas halto unda tin diferente actividad.

E dignatario a splica cu den combersacionnan cu tabata tin cu e bestuur anterior di Parke Nacional Arikok, y tambe cu e bestuur interno actual, cu gobierno lo kier pone e parke marino aki hunto cu e 16 areanan cu ta wordo proteha pa ley den of bao di e regimen di e Parke un bez cu esaki tin su estructura, kiermen cu e tin su raad van toezicht, contrario na loke tabata tin anteriormente cu tabata un bestuur.

Un hunta di supervision por tin un control mas riguroso di e area cu ta wordo proteha cu ta hopi grandi y halto den e parke aki, como tambe e suma di 2.5 pa 3% miyon disponible di subsidio na e Stichting aki. Ademas nan relato na gobierno y na parlamento lo ta mas transparente.

E mandatario a agrega cu e contenido mester wordo poni hunto y pa esaki tuma lugar mester acerca tur e usuarionan, entre otro e deportistanan, piscadornan, buceadornan, etc., cu ta haci uso di e areanan cu ta cay bao PMA, pa nan ta riba un linea encuanto e contenido di loke ta bira e Parke Marino.

Minister Otmar Oduber a agrega cu tambe a nomina cuater area adicional pa loke ta trata “ramsar sites” (wet lands) na Aruba.

Esaki ta nifica cu nos ta bay tin alomenos cuater areanan cu gobierno kier proteha pa ley mediante un mocion cu tabata tin den Parlamento caba, den pasado, cu lo tin un doble status di proteccion y reconocimento local y internacional.

Esaki ta parti di e maneho cu Ministerio di Infrastructura y Medio Ambiente ta hiba, cu banda di e aspectonan di infrastructura, trece e balansa di crea ekilibrio entre un desaroyo economico infrastructural y cuido di nos medio ambiente cu mester bay man den man manera e importancia cu Gabinete Wever-Croes a pone pa nos comunidad. Esaki tambe ta abarca e maneho di cuido di nos medio ambiente, cu e dignatario lo elabora di dje den e dianan nos dilanti.

 

- Advertisement -

DUNA COMENTARIO

Please enter your comment!
Please enter your name here