Home Enseñanza Studiantenan a organiza IPA-kamp di un forma di kita sombre

Studiantenan a organiza IPA-kamp di un forma di kita sombre

44
0
SHARE
- Advertisement -

ORANJESTAD (AAN): Dia 23 y 24 di augustus 2018 Instituto Pedagogico Arubano (IPA) a tene e asina yama IPA-kamp cu ya a bira un tradicion den e Siman di Introduccion na IPA.

IPA-kamp ta dos dia di actividad social y recreativo pa studiante y personal di IPA cu tin como meta pa stimula e aspecto social den e instituto creando asina e sentido di colegialidad y union den e comunidad di IPA. IPA su propio studiantenan cu ta den e di dos aña di nan Estudio pa Maestro di Enseñansa Primario tabata encarga cu e organizacion di IPA-kamp.

E studiantenan a prepara un programa creativo cu un caracter educativo y social pa e comunidad di IPA. Riba e prome dia di IPA-kamp e gruponan a recore e area di San Nicolas en busca di clave caminda cu mester a contesta pregunta, forma palabra y hasta haci pantomina.

E di dos dia di IPA-kamp a encera Wega Creativo y Wega sin Limite cu a tuma luga na Rodgers Beach. E gruponan a participa cu hopi entusiasmo na e actividadnan aki. Entre e gruponan y cada participante tabatin bon comunicacion p’asina reenforsa e ‘teambuilding’ di e gruponan. Tabata bisto cu nan a haci nan maximo esfuerso pa nan destaca como e grupo victorioso.

E grupo Blue Survivors  ta e grupo cu a score mas halto y asina a bay cu premio maximo di IPA-kamp 2018.

Un pabien na e studiantenan cu a organiza IPA-KAMP pa nan tremendo trabao y un danki special ta bay na tur e sponsornan cu a contribui di un of otro manera na IPA-kamp 2018. Sin lubida e team di docente cu a guia y sostene e studiantenan cu a organiza e IPA-kamp 2018.  Masha danki pa haci IPA-kamp 2018 un exito rotundo.

- Advertisement -

DUNA COMENTARIO

Please enter your comment!
Please enter your name here