Home Enseñanza Studiantenan a yega bon Hulanda

Studiantenan a yega bon Hulanda

129
0
SHARE
- Advertisement -

ORANJESTAD(AAN)— Cu vuelo 765 di KLM ayera  e cantidad di 173 studiante  Arubano a yega Hulanda pa sigi un estudio avansa na nivel HBO of Universidad na Hulanda.

Na Schiphol un delegacion consistiendo di Minister Plenipotenciario Guillfred Besaril, director a.i. di Gabinete di Aruba mr. Glenn Ling, functionarionan di Departamento di Enseñansa di Gabinete di Aruba James van der Linde., studiementor y miembronan di e POC (Plaatselijke Opvangcommissie) a ricibi e studiantenan.

Na un forma bon organisa e studiantenan a haya instruccion di personal di Cas di Aruba, mentornan y miembronan di e POC unda nan mester a para den grupo pa warda nan turno pa bai na e bus cu lo hiba nan na nan ciudad di estudio. Mescos cu tur aña Robby Schouten a haci un reportahe pa su programa Leu foi Cas y tambe RTV7 a haci grabacion.

Awe e studiantenan lo cuminsa cu e programa di “opvang” obligatorio, cual lo dura entre tres dia y un siman. Durante e dianan aki e studiantenan nobo lo haya e guia nesesario den nan ciudad unda pa sigur cuater aña of mas nan lo biba y studia.

E prome aña e studiante ta ricibi guia di e studiementor, pero pa e resto di su estudio e ta cai bou di Gabinete di Aruba.

Riba e website di Cas di Aruba www.arubahuis.nl tin un reportahe fotografico extenso di e

yegada di e studiantenan. E potretnan ta cortesia di Cas di Aruba

- Advertisement -

DUNA COMENTARIO

Please enter your comment!
Please enter your name here