Home Gobierno Subsidio di Gobierno durante entiero ta pa yuda famianan den momentonan duro

Subsidio di Gobierno durante entiero ta pa yuda famianan den momentonan duro

30
0
SHARE
- Advertisement -

ORANJESTAD (AAN): Minister Glenbert Croes durante e rueda di prensa semanal a haci diferente anuncio importante. Un di nan ta cu e mandatario, cu apoyo di Conseho di ministronan, a dicidi di aumenta  e subsidio relaciona cu gasto di entiero back na locual cu e suma tabata esta Afl 4.000.

Gobierno di Mike Eman na 2014 a tuma e medida unilaterlamente, pa reduci esaki te na Afl 2000 sin nunca a consulta e departamento concerni pa cu su opinion. “Riba nos instruccion, nos a puntra Departamento di Asunto Social pa su conseho, for di cual a bin e proposicion pa aumenta esaki back te na un maximo di Afl 4000. Un decision cu no tin consecuencia algun pa presupuesto di pais Aruba”.

Locual cu pa e mandatario ta remarcabel ta, e indiferencia y negligencia cu e Gobierno di AVP tabatin pa e sector social. Nan a corta den presupuesto di Asunto Social unilateralmente sin nunca a consulta e departamento. AVP a corta den gasto di entiero pa esnan mas vulnerabel, tambe sin ningun clase di consulta.

Gobierno di Mike Eman a obliga tur departamento pa cremencha pa e mes por sigui pronk malgastando placa na fiesta cu brug. Mientras cu famianan tabata pasando den hopi duro, den hopi necesidad, fiesta di klinker cu permiso cu tereno tabata den full swing.

Minister Glenbert Croes a percura pa Departamento di Asunto Social haya su presupuesto back na e suma manera cu e tabata Aruba, 13 di Augustus 2018.

. Parlamento di Aruba a aproba pa aloca 17 miyon adicional pa 2018 y 17 miyon adicional pa 2019 pa loke ta ehecucion di Crisis Plan Social, y awor Minister a aumenta back e cobertura di gastonan di entiero na un maximo di Afl 4.000 pasobra cu e entiero di mas barata no ta baha bou di Afl 6.000.

E meta ta pa unda cu por, saca un man pa yuda nos pueblo cu alivio di gastonan specialmente den momentonan duro y dificil unda cu famianan no mester preocupa con ta bay cubri e gastonan di despedida di un ser stima.

- Advertisement -

DUNA COMENTARIO

Please enter your comment!
Please enter your name here