Home Gobierno Ta ekipando Guarda Nos Costa y ta intensificando controlnan

Ta ekipando Guarda Nos Costa y ta intensificando controlnan

175
1
SHARE
- Advertisement -

Minister Bikker: pa evita entrada di ilegalnan na nos isla

ORANJESTAD  (AAN): Relaciona cu e controlnan cu ta tumando lugar di parti di Guarda Nos Costa, Minister di Husticia, Andin Bikker ta duna su punto di bista.

E mandatario ta sinti e controlnan di Guarda nos Costa ta bayendo riba bon caminda. No obstante, hopi hende di Venezuela ta saliendo for di nan pais cu ta sufriendo un crisis grandi.

Hopi ta opta pa busca refugio na Aruba y esaki ta inclui di cualkier forma, incluyendo forma ilegal. Pa casonan asina di entrada ilegal, Minister Bikker ta mustra cu tin dos metodo actualmente pa aumenta control.

E prome ta cu nan ta ekipando Guarda nos Costa y intensificando e controlnan. E di dos ta cu desde Juni a duna autoridad bek na Cuerpo Policial pa nan tambe haci e tipo di controlnan aki.

E parti fastioso ta cu bo no por wak na e aspecto fisico di un persona si e ta realmente ilegal of no. Pa esaki, e Minister a pidi e ciudadanonan comprension pa ora autoridadnan concerni haci nan trabou. Pues a sosode casonan unda cu autoridadnan ta acerca e personanan aki pa pidi nan permiso cu ta comproba cu nan tin un estadia legal y e personanan aki ta sea sinti nan mes ofendi of ta crea un problema pa no coopera cu autoridadnan.

E Minister ta sigui splica pa ley tur e personanan aki mester cana cu nan permiso. Pero pa esunnan cu ainda no tin e door di e retraso na DIMAS, nan a bin cu e plan pa ekipa Guarda nos Costa y Cuerpo Policial cu un aparato cu ta link nan na informacionnan den e sistema unda nan por mira si e persona a aplica pa un permiso y si door di e retraso na DIMAS no tin su permiso ainda.

 

- Advertisement -

1 COMMENT

  1. Tur hende di bon voluntad ta yuda pa combati illegalidad. Pa ley tur hende mester tin un prueba di identidad valido. Asta bo por haña un boet si bo no por mustra bi ID. E hendenan riba e islanan cu ta sconde illegalnan, mester haña boet y den cierto caso castigo di prison. Traficante di hende, arma, droga etc. mester haña bon castigo pa e daño cu nan ta causa e comunidad. Illegalidad ta trece onveiligheid y ta un perdida pa entrada di un pais. Un gran parti di placa cu un illegal ta gana no ta wordu inverti den economia di e islanan. Illegalnan ta costa un pais hopi placa. Awor cu hopi pais ta sera frontera pa e Venezolanonan, e islanan mester intensifica tur control riba awa, tera y aire. Casi tur Venezolanonan cu ta drenta illegal ta economische vluchtelingen. Economische vluchtelingen no ta wordu reconoce y ta wordu entrega na autoridad di nan propio pais. Paisnan grandi manera Peru, Brazil, etc. no kier mas economische vluchtelingen den nan pais. Nos por spera un multitud mas grandi cu ta bai purba drenta e islanan di forma illegal of cu ta yega como turista y no ta bai nan pais bek. Tambe nos lo bai mira mas ladronicia, illegale handel, schijnhuwelijken, prostitucion y chantage di hende homber casa door di prostituta illegal cu ta aserca nan pa un “relacion”. Guys 👁 Mi ta spera cu nos lo por biba den futuro riba e islanan sintiendo nos veilig y sin tin cu teme cu hende ta tribi di drenta den nos cura pa horta.

DUNA COMENTARIO

Please enter your comment!
Please enter your name here