Home Parlamento Ta vigilando di cerca e desaroyo entre WEB y ASTEC

Ta vigilando di cerca e desaroyo entre WEB y ASTEC

50
0
SHARE
- Advertisement -

Parlamentario Alan Howell

ORANJESTAD   (AAN):   Parlamentario Alan Howell ta vigilando di cerca e desaroyo entre WEB y ASTEC. Howell kier pone algun punto hopi cla y raspa. Si ASTEC y trahadornan riba waf tin molester di  e huma y sulfur di WEB, esaki ta un situacion cu nan mester resove entre nan mes. E situacion aki no por bira un problema di henter nos pueblo y mucho menos pa bay a costo di pueblo.

Alan Howell ta indica cu nos tur por compronde y sa cu salud di hende no ta cos di haci wega cu ne. Pesey mes ta bon pa ASTEC y WEB resolve e problema entre nan, pero hisa awa y coriente pa e motibo aki si no por y no ta aceptabel.

“Pueblo no tin lugar pa mas sla. Pueblo a haya y wanta basta sla caba pa via di mal gobernacion di gobierno anterior poniendo cu pueblo mester absorbe un aumento di belasting di 2.5 % . Mi ta sostene e ponencia duro duro di Minister President Sra. Evelyn Wever Croes cu a bisa cu  ‘no ta papia di un subida di prijs di awa y coriente, mas bien nos kier papia di un rebaho di prijs di awa y coriente’”.

Tanten cu Minister President para duro na fabor di pueblo, e prome mandatario por conta cu sosten di parlamentario Howell. “Pueblo lo por conta cu mi cu mi lo sigui loer e proceso aki di cerca”.

- Advertisement -

DUNA COMENTARIO

Please enter your comment!
Please enter your name here