Home Deporte Tanki Leendert Girls a perde contra Eagles y Jaguars

Tanki Leendert Girls a perde contra Eagles y Jaguars

37
0
SHARE
????????????????????????????????????
- Advertisement -

ORANJESTAD (AAN) – Campeonato Heineken a continua durante weekend riba veldnan na Pos Chiquito na unda Tanki Leendert Girls ta perde su double header contra Eagles y Jaguars.

Den categoria femenino AA esta Liga Flamboyant Tanki Leendert Girls tabata tin un double header contra tanto Jaguars Vitamin Water y Eagles. Tanki Leendert Girls a perde ambos partido. Jaguars Vitamin Water 10 careda, 7 hit, 2 error lagando 7 coredor den circulacion. Tanki Leendert Girls 4 careda, 5 hit, 9 error y ta laga 8 coredor na base. Mihor bateadornan pa Jaguars ta Milvienne Henriquez y Nikkaela Jacobs ambos di 3-2, Jennysela Tromp di 2-1, Pa Tanki Leendert a destaca na bate Zjaika Kock 2-2, Elianne Kock 3-2 y Gabriela Geerman di 2-1. Kathleen Emerenciana ta resulta pitcher ganador cubriendo henter e ruta tirando 45 bola, 57 strike pa un total di 103 lansamento permitiendo 1 careda limpi  pa un ERA di 1.40. Elianne Kock di otro banda a bay cas cu e derota lansando 45 bola, 47 strike pa un total di 92 lansamento permitiendo 4 careda limpi pa un ERA di 7.00. Den e di dos wega Tanki Leendert Girls a enfrenta Eagles kendenan a baha fuertisimo cu un fiesta di careda. Eagles 26 careda, 19 hit, 2 error y ta laga 3 coredor na base. Tanki Leendert Girls 4 careda, 4 hit, 5 error lagando 5 coredor den circulacion. Mihor bateadornan pa Eagles ta Yee Mee Cheong 4-3, Mellizienne Richardson 4-2, Yasmine Arrindell di 4-2 cu 5 RBI, Yeseline De Kort di 3-2, Jennifer Martes 1-1, Achell Statie y Meraly Kootes ambos di mil punto di  3-3, Destiny Johnson 1-1. Pa Tanki Leendert a destaca na plato Frangeline Danies 1-1, Elianne Kock, Zjaika Kock y Mildred Kock tur di 2-1.    Anchell Statie ta bay cas cu e victoria mientras Frangeline Danies mester conforma su mes cu e derota. Anchell ta haña relevo di Mellizienne Richardson. Pa Tanki Leendert Frangeline Danies a wordo releva pa Shatienne Kock kende na su turno a wordo releva pa Mildred Kock. Weganan di campeonato ta continua diasabra awor pa 6 pm  y diadomingo pa 11 am na veldnan na Pos Chiquito. Softball a toda maquina.

- Advertisement -

DUNA COMENTARIO

Please enter your comment!
Please enter your name here