Home Parlamento Tarifa pa Serlimar lo keda 25 florin y lo no haci cobranza...

Tarifa pa Serlimar lo keda 25 florin y lo no haci cobranza retroactivo

179
0
SHARE
- Advertisement -

Parlamentario Edgard Vrolijk:

ORANJESTAD (AAN) – Den conferencia di prensa di fraccion di MEP, Diaranzon mainta,  Parlamentario sr. Edgard Vrolijk a hiba palabra, y na prome lugar a anuncia cu muy pronto lo bay introduci e ortografia oficial di Papiamento.

Despues di e conferencia di prensa aki, nan tabata sigui cu un reunion na porta cera di Staten pa papia tocante e iniciativa di ley aki, cu ta hopi importante pa asina nos pueblo tur ta riba mesun linea cu nos Idioma Papiamento.

E iniciativa di ley a keda drumi den lachi pa hopi aña y ta responsabilidad di Parlamento pasobra nos idioma ta un parti hopi importante di nos pais.

E parlamentario a subraya cu e reunion publico cu tabata tin Diamars, tabata di un nivel hopi halto cu mester sigui mantene asina, y por a mira un diferencia grandi cu añanan atras.

Un reunion unda tabata tin orden y disciplina y un minister a bin contesta preguntanan al caso, no obstante semper tin algun cos aki aya como parti di e debate.

Tocante e puntonan cu nan a yega encuanto SERLIMAR e parlamentario a bisa cu henter e comunidad ta responsable y na tur caminda di mundo e pueblo ta paga pa recogemento di sushi y esaki ta algo normal.

Segun Parlamentario Vrolijk na Aruba ta e politiconan ta daña e situacion y esaki ta bin di pasado pa presente. Den pasado ora cu a bin cu e ley a haci un monton di politica, pa un cobranza di diez florin, y e tempo ey oposicion a grita y zapatea.

Na momento cu a bolbe bin pa cobra oposicion y sindicatonan a grita atrobe pero na final di dia nos tin cu paga bek.

En todo caso, na lugar di sigui haci politica y crea mas debe a dicidi cu pueblo mester paga un tarifa hopi reduci cu no ta un medida sino un aporte di responsabilidad na bienestar di pueblo.

Gobierno a pone un tarifa hopi social di 25 florin y mayoria di e casnan social di FCCA e instancia aki mes ta paga pa esaki. A percura tambe pa e fecha wordo hala atras.

El a subraya cu di unda el a lanta di abao bin ariba, e ta compronde e homber chikito cu tin dificultad pa paga un suma cu kizas pe ta grandi, y pesey el a pidi pa exonera nan di paga pa e recogemento di sushi.

El a presenta un mocion pa pagamento retroactivo di locual un grupo no a paga, pero e mester a retracta di esaki, cu e sentimento cu hopi homber chikito y humilde lo mester a paga esaki kizas riba recibo di utilidad, pero tambe el a carga e sentimento di esnan cu a paga sagradamente, y den su mocion el a pidi pa duna nan un compensacion manera un bari por nada, pa gradici nan, nan fidelidad na e servicio di Serlimar.

Ta anochi na cas el a cay riba kico articulo 9 di e ley ta bisa cu despues di seis luna cu no a haci e aanmaning (recordatorio) e derecho pa cobra ta caduca.

Pesey el a bisa den su disertacion cu si enberdad no tin un base huridico pa exonera hende di e pago aki, mester a bay cobra Booshi Wever, Mike de Meza, y otronan e tempo ey.

Vrolijk a indica cu e Minister tambe a ratifica cu e articulo 9 ta exonera e grupo concerni di paga bek locual cu tin cu paga y e ora ey no tin motibo mas pa sigui cu e mocion, y pueblo por sinti alivia cu no mester bay paga e peso aki.

E parlamentario a subraya cu awe, den e reunion cu tin tambe historia lo wordo marca, unda pa prome bez, Parlamento lo yama e ministernan tambe pa duna cuenta tocante e presupuesto 2018, cual Parlamento a aproba si tur cos ta in place y nechi.

Tambe lo puntra pa cierto mocionnan cu a wordo pasa y lo haci uso di su derecho di entrega un mocion, den cual e ta pidi e compensacion pa tur esnan cu a paga pa Serlimar pa tene cuenta cu nan pa haya un servicio pa gradici nan pa e fidelidad pa e compania. Asina e parlamentario a reitera.

 

 

 

 

 

 

- Advertisement -

DUNA COMENTARIO

Please enter your comment!
Please enter your name here