Te cu awor no tin ningun descubrimento di petroleo

    217
    0
    SHARE
    - Advertisement -

    Armando Curet: Ta wardando analisis di e “proefboring” pa dicidi e siguiente stap

    ORANJESTAD (AAN)–  Armando Curet, director di Compania Arubano di Petroleo, e boramento di e proefboring ta parti di un proceso largo ora e ta un area frontera manera ta caso di e area cu tin panortdi e isla.

    Segun Curet, nan ta cuminsa cu trabaonan di sismica amplio pa haya un idea general di e area. Despues di evalua e sismica 2D, nan ta scoge areanan cu ta di mas interes, pasobra nan lo haci un sismica 3D.

    Un sismica 3D ta hopi mas intensivo den un area concentra y hopi mas caro. Nan ta cuminsa haci un screening y a base di esey nan ta tuma un decision.

    Despues di e 3D, nan ta bolbe selecciona e prospectonan. Di e prospectonan ey nan ta evalua e riesgonan cu por reconoce a base di informacion cu nan tin di e sismica.

    Nan lo haci un analisis di risico pa wak cua ta e luganan mas faborable pa ora haci un “proefboring” por haya un cantidad maximo di informacion pa yuda evalua e potencialnan pa haya petroleo, sea cu ta azeta of gas.

    E proceso ey a tuma luga. Repsol a dicidi cu nan ta bay over pa e di tres fase, esta pa pone e proefboring.

    Tambe a tuma luga prome cu esey un “geochemisch onderzoek” unda cu ta tuma samples for di fondo di lama.

    Cu integracion di tur e extrapulacion di e datonan ey y informacion di cosnan cu a wordo bora anteriormente na aña 89 y 90, nan ta haci nan interpretacionnan. Nan ta extrapula e datonan, nan ta purba pasa e datonan rond di e isla y ta haci un pronostico di locual nan ta pensa cu nan por encontra.

    Stap pa stap a keda evalua e datonan cu tin pa dicidi kico ta e siguiente stap. E periodo di exploracion ta parti den fase. E pos aki cu a caba di wordo bora ta pertenece na fase tres. Tur e informacionnan aki ta den proceso pa drenta.

    E ora Repsol ta bay dicidi si ta bay over na fase cuater. Ya a conduci cu no  tabata tin ni un descubrimento na e punto ey. E hecho cu no tin un descubrimento no kiermen cu un tiki mas leu por tin algo importante.

    Esaki ta e prome pos den un area cu no tin ningun pos anteriormente. Nan mester warda e analisis di e “proefboring”. Tin algun dato cu a drenta caba, pero analisisnan detaya ainda falta pa drenta.

    Sr. Curet ta mustra cu tin un parti operacional y esey termina sin tin un incidente medio ambiental. Pero e parti di exploracion mes, nan mester di bastante datos ainda prome cu sa ki decision Repsol ta bay tuma.

    - Advertisement -

    DUNA COMENTARIO

    Please enter your comment!
    Please enter your name here