Home Turismo Tema di ATIA Women in Leadership Conference ta bay ta: Women in...

Tema di ATIA Women in Leadership Conference ta bay ta: Women in Innovation Getting it Done

13
0
SHARE
- Advertisement -

ORANJESTAD  (AAN): Dia 24 di Augustus ta bay tuma lugar ATIA Women in Leadership Conference den Ballroom di Marriott Aruba Resort & Stellaris Casino.

E Conferencia aki organiza pa ATIA y su partner CMB, ta bay ta di 9:15 di mainta te cu 4’or di atardi.

Relaciona cu esaki, a tuma lugar un conferencia di prensa Diamars mainta den ATIA Building.

Director di ATIA Michelle de Groot a trece dilanti cu e aña aki ta uno special, no solamente pasobra ta bay tuma lugar e di 6 edicion di Women in Leadership.

“Como Aruba nos por ta hopi orguyoso cu nos ta un pais caminda cu posicionnan manera esun di Prome Minister, ta habri pa hende muher”.

“Nos por ta orguyoso cu nos tin nos prome muher Prome Minister pa Aruba”.

Esaki segun señora de Groot, kende a sigui bisa cu esey no kiermen cu na Aruba ya caba nos a yega na igualdad total.

Ainda falta y pesey e conferencia aki ta uno importante.

E tema di e conferencia e aña aki ta ‘Women in Innovation Getting it Done’.

E prome orador riba dia 24 di Augustus ta bay ta Prome Minister Evelyn Wever Croes, kende segun de Groot ta un persona cu ta kere den innovacion, mirando tambe cu el a nombra un asina yama ‘Chief Innovation Officer’, kende porcierto tambe ta hende muher.

Ta bay tin algun orador internacional tambe.

Un di nan ta señora Kelly Tomblin, kende ta CEO di INTREN, cu ta e compania mas grandi na Merca di solucionnan di servicionan publico.

“Tomblin ta remarcabel, pasobra el a posiciona su mes na cabez di un compania, den un sector domina pa hende homber”, segun e director di ATIA.

Banda di Tomblin ta bay tin tambe Catherine Barba, kende ta un entrepreneur y un experto den asina yama ‘digital retail’.

Na 2014 el a wordo nombra den e top tres di hende muher cu mas influencia riba economia di Francia.

E aña aki ta bay tin un panel tambe di hende homber y hende muher.

E panel ta consisti di entre otro e CEO nobo di AHATA Tisa LaSorte, Chief Marketing Officer di ATA Sanju Luidens y Destinations Services Manager di ATA Patrick Melchior .

 

- Advertisement -

DUNA COMENTARIO

Please enter your comment!
Please enter your name here