Home Salud Tienda di Educacion tey pa yuda mayornan pa loke ta e Aña...

Tienda di Educacion tey pa yuda mayornan pa loke ta e Aña Escolar aki

7
0
SHARE
- Advertisement -

ORANJESTAD(AAN): Un aña escolar nobo ta bay cuminsa y ya caba nos ta preparando nos yiunan pa un reto nobo, un klas nobo, tur cos nobo, pa nan por sigui cu nan educacion. Departamento di Salubridad Publico tambe no ta keda atras y den su tema semanal, e biaha aki a toca riba esaki.

Tienda di Educacion ta un di e instancianan cu tabata tey presente durante di e conferencia di prensa semanal di DVG y a pone mas enfasis riba e pida con e mayor ta duna mas sosten riba e yiunan, pa loke ta e proximo aña escolar.

Coordinadora Corina Linssen a splica cu no ta tur ora facil pa un mucha cuminsa back, despues di un temporada di vakantie, bo ta pasa dushi, bo por slaap uit, bo por bay drumi mas laat y tur e cosnan ey. Awo mester bin back den e structura di dia, pa cuminsa na un manera mas saludabel na school. Ta conseha hopi biaha na mayornan, no tarda hopi, no warda te ultimo dia pa bay cuminsa back, pone e structura, e schedule di dia in place.

Laga e muchanan drumi un tiki mas tempran, lanta nan tambe un tiki mas tempran. Cada biaha un rato y despues bo ta yega na e ora cu e muchanan mes ta lanta pa bay yega school na ora. Abo tampoco no mester stress cada biaha si bo no ta warda te ultimo dia, ta trece mas intrankilidad, pasobra bo sa cu bo yiu tin cu lanta y sa tambe cu nan no ta prepara. Mas miho, cuminsa di biaha.

Muchanan cu ta bay pa prome biaha na school basico of kleuterschool, e transicion eynan ta basta dificil. Nan tin miedo. Nan ta sinti insigur e momento ey. Nan ta hopi entusiasma tambe, pasobra cos nobo lo bin, pero toch e ta trece tin biaha intrankilidad y insiguridad. Yuda nan cu esey. Combersa cu nan, papia cu nan over kico ta pasa. Kico nan ta bay topa cun’e. Nan amigonan, un juffrouw, un meneer, introduci e manera di school. Nan ta bay por ehempel kleuter, nan ta bay cuminsa papia cu mucha, nan ta sinta na mesa, nan ta haci wega. Tur e cos abo como mayor por combersa cu bo yiu.

Si bo ta pensa cu bo no tin hopi tempo pa combersa cun’e, haci’e durante cu bo ta core auto cun’e. Papia cun’e, pasobra e ta importante pa trece trankilidad y siguridad.

Y nos hobennan nos no mester lubida. Nan ta cuminsa na MAVO, na Colegio, na EPB. Atrobe, un transicion grandi pa nan y trece intrankilidad y insiguridad. Mester papia, kico nan por spera di e ambiente nobo, kico nan por haci. Un desaroyo saludabel no ta nifica cu bo ta come saludabel so. Bo mester duna nan tambe guia y sosten den social emocional. Eynan cos ta cambia mas compara cu comemento na e momento ey. E ta un tempo dushi, pasobra e ta leuk pa cuminsa cu cos nobo, pero e ta tambe un tempo toch un tiki cu tension y tiki stress. Abo como mayor, purba di keda trankil.

    Loke bo por haci:

Puntra bo yiu pa traha un schedule, con ta hinca cos den otro. Planea e dia pa e prome dia di school bira hopi mas interesante, exitoso y hopi great. Eynan bo yiu por yudabo. Esey ta lubida hopi biaha. Pa nos yiunan tin hopi cos di bisa. Nan sa con cos por cana mas miho y por yuda prepara, delanta tur e cosnan.

No mester lubida tampoco, si bo ta bay haci compras of busca e cos cu nan mester tin, e schrift, pen, agenda, tur e cosnan ey ta caro. Pero e no mester tampoco esun di mas caro cu bo por cumpra. Yuda bo yiu tambe pa balansa, manera scoge esaki, cual ta nifica cu ta costa tanto, e ora ta scoge algo di tiki mas barata. Pa nan tambe compronde cu placa tin su fin semper.

Cu esaki Linssen a splica cu mester papia riba tur cos cu tin di haber cu un school, un aña escolar nobo. Esey ta trece siguridad, e ta sostene bo yiu pa e por bay e dia ey mas trankil.

 

- Advertisement -

DUNA COMENTARIO

Please enter your comment!
Please enter your name here