Home General Tin te diahuebs awor: si no ta perde e areglo pa scol...

Tin te diahuebs awor: si no ta perde e areglo pa scol y bijstand di 8 September ta wordo blokia!

237
0
SHARE
- Advertisement -

ORANJESTAD (AAN)—Den conferencia di prensa conduci na prome lugar pa Minister Glenbert Croes, Dialuna mainta, e director di Departamento di Asunto Social sra. Glenda Hernandez tabata presente hunto cu tres miembro di su personal cu el a introduci.

Ta trata di sra. Jesseline Soto-Kelly, ken na e momentonan aki ta haciendo e trabao di PR full time, y ken tin nuebe aña trahando na DAS, sr. Efraim Surendonk, encarga cu e proyecto di Jongeren Locket, sra. Marisol Krozendijk, Psicologo di DAS, y tambe tabata presente y a hiba palabra e Hefe di Bijstand, sra. Jessica Arends.

Sra. Josseline Kelly a elabora tocante e areglo di yudanza pa e mayornan cu ta ricibi bijstand y den esaki ta haya ayudo pa nan yiunan cu ta bayendo scol.

E dama a splica ken ta bin na remarca pa e ayudo financiero extra cu gobierno di Aruba ta dunando tur studiante cu ta cay bao bijstand, pa locual ta aña 2018-2019.

Ta bin na remarca tur persona entre 4 pa 24 aña di edad, cu ta bay scol durante oranan regular den dia, for di Kleuter te Middag MAVO y cualkier otro scol regular, y tambe scol Dun’un Man. Tin dos tipo di ayudo extra: un ta scol uitkeuring y di dos ta e colaboracion cu mayornan tin cu duna scolnan.

Schooluitkering ta un ayudo cu ta wordo duna un biaha y ta bin hunto cu e siguiente pago di bijstand cu ta dia 8 di September proximo. Esaki ta un suma di 220 florin pa un maximo di 800 florin pa famia, y ta eigenlijk pa yuda e mayornan cu e gastonan escolar. E di dos ta consisti di un suma di 120 florin maximo, loke kiermen cu si e contribucion di e mayornan ta mas abao cu esey e suma ta wordo paga y si ta mas halto e mayor tin cu paga e diferencia. E suma aki ta wordo paga directamente na scol y esaki ta den luna di October of November venidero.

Naturalmente tin rekisitonan cune, un di nan ta busca e formulario na e scol concerni. Dia 16 di Augustus e team a reparti tur e formularionan na tur scol y mester busca esaki, yene completo y bon y entregue na Sociale Zaken na Oranjestad of San Nicolas, prome of te cu Diahuebs awor dia 30 di Augustus. E fecha aki ta hopi importante pasobra si no ta entregue na tempo e bijstand dia 8 di September ta baha y ta wordo blokea, y e mayor ta perde e kinder toelage mensual cu tur mucha ta haya pa un suma di 250 florin. Y e mas fastioso ta cu e mayor ta perde e derecho riba e schooluitkering y e contribucion pa scol, pa e periodo escolar 2018-2019. Pesey un suplica ta bay na tur mayor pa cumpli cu e rekisito aki.

Te cu Diabierna, e dama a duna di conoce, tabata tin mas of menos 150 formulario cu a wordo entrega mientras cu DAS ta conta como 950 formulario cu mester wordo entrega ainda, pues tin hopi mayor cu ainda mester entrega esaki.

Jesseline a pone enfasis cu por pasa na DAS Oranjestad of San Nicolas na mas tarda Diahuebs di e siman aki, dia 30 di Augustus, pa asina evita cualkier inconveniencia na September.

- Advertisement -

DUNA COMENTARIO

Please enter your comment!
Please enter your name here