Home General Trafico na rotonde di FCCA ta un caos entre 7 am y...

Trafico na rotonde di FCCA ta un caos entre 7 am y 8 am

131
0
SHARE
- Advertisement -

Y tin chofernan hopi sinberguenza..

ORANJESTAD (AAN):  Por ripara cu mainta tempran, entre 7 am y 8am, trafico ta bira basta druk tur caminda. Un di e areanan cu ta druk e oranan aki ta na e rotonde di aeropuerto y tambe na e rotonde di FCCA na Sabana Blanco.

Por mira cu na e rotonde di Sabana Blanco tin trabaonan tumando lugar, entre e rotonde y Cumana. Debi na esaki, e caya cu ta bin di aeropuerto y cu ta comunica cu e rotonde di FCCA, ora di yega na e rotonde, ta bira di un linea so.

Esaki di mes ta trece cune hopi stagnacion den trafico ya cu antes tabata tin dos linea pa subi e rotonde, pero awor tin un so. Mescos cu pa sali di e rotonde y bay Cumana, tin un linea so pa drenta den e caya cu ta bay pasa dilanti di Kooyman.

Un lector a yama bisa cu prome cu yega na e rotonde di FCCA, el a wak con tin chofernan hopi sinberguenza y cu ora di wak nan mes den e linea robez di caminda, (e linea cu ta cera), nan ta stagna trafico door di traha dos rij.

Tin otronan mas sinberguenza ainda cu si ta den e rij corecto, pero gewoon, prome cu e rotonde, unda tin baricada, nan ta drenta den e rij banda robez pa subi e rotonde.

Eynan ta suppose di tin un rij so. Esun na man drechi. Pero net prome cu e rotonde, nan ta “skip” e rij bay ban robez y subi e rotonde como si nada.

Segun lector, esaki ta un falta di respet pa e otro chofernan cu ta pacientemente wardando di rij pa subi e rotonde. DOW por tene cuenta cu e situacion aki.

- Advertisement -

DUNA COMENTARIO

Please enter your comment!
Please enter your name here