Home General Trahadornan di Astec ta fada di director y no ta kere mas...

Trahadornan di Astec ta fada di director y no ta kere mas den su palabra

295
0
SHARE
- Advertisement -

Informe Exclusivo di DIARIO

ORANJESTAD (AAN): Den un informe exclusivo cu DIARIO a tuma nota di dje, e trahadornan riba Waf di Barcadera ya no ta kere mas den palabra di nan Director.

Esey ta loke Sindicato UPA a confirma na DIARIO.  Nan ta urgi e Shareholdernan di e compania Astec, pa reemplaza e meneer sino cos lo empeora.  Segun e trahadornan, e biaha aki si nan accion lo no ta nada pasivo.

E trahadornan ta opina cu e Director no por a cumpli ni e minimo deseo di un trahador den un CAO.  El a hasta kita derecho di e trahador, fuera cu el a kita beneficionan primario y tambe secundario.

Nan ta sorprendi, con e Director aki den 5 aña di tempo, ainda e no por a ni cera un Minimum-CAO.  Segun UPA, esaki ta algo cu shareholdernan mester cuestiona y actua rapido pa evita cu situacion empeora un ora pa otro, y sigur trahadornan lo no bay nada pasivo mas.

Ta straña e trahadornan, cu Shareholdernan mes prome cu a inverti nan placa den mudamento pa Waf di Barcadera, no a cuestiona e director di e carta di garantia cu a duna OK cu trabaonan lo por continua, y cu si Astec por sigui opera cu e molester y efecto di e huma di WEB conteniendo grado halto di sulfur.

UPA a cuminza perde tur confianza den e Director.  Nan no ta haya e como un persona di palabra.  E ta bisabo “A” awe, y mañan e ta bisabo “B”.

 

- Advertisement -

DUNA COMENTARIO

Please enter your comment!
Please enter your name here