Home Noticia Internacional Trahadornan di compania di coriente y telefon na Venezuela tambe a subi...

Trahadornan di compania di coriente y telefon na Venezuela tambe a subi caya

54
0
SHARE
- Advertisement -

ORANJESTAD (AAN): E trahadornan di Corporacion Electrica Nacional (Corpoelec) y e compania di telefon CANTV, a subi caya e siman aki pa protesta na Caracas.

Y e accion di protesta aki di e dos entidadnan, a pone cu trafico riba Avenida Libertador a keda stagna.

Loke nan ta protestando pe, ta e salario abao cu nan ta hayando tur fin di luna.  Esaki ta bira un di e motibonan principal cu trahadornan di diferente sector na Venezuela ta protestando.

Sindicato Fetraelec a denuncia cu e trahadornan cu ta ricibi salario pa quincena, ta haya apenas 1.700 y 2.200 Bolivar.

Nan ta considera esaki como un “salario di hamber”, cu no ta yuda nan ni pa cumpra ¼ di carton di webo.

Pero e situacion di e trahadornan den sector electrico no ta djis limita na e salarionan abao, ya cu e.o. na Estado Aragua, desde aña 2007 nan no a ni haya uniform mas.  “Nos ta haciendo milagro pa drecha wayanan, pasobra nos no tin material ni uniform y pa colmo ni vehiculo pa traha cune,” el a bisa.

Loke nan ta exigi awor, ta pa e compania bay dilanti, crea un Comision di Berdad pa dicidi unda nan fortaleza y debilidadnan ta, etc.

 

- Advertisement -

DUNA COMENTARIO

Please enter your comment!
Please enter your name here