Home Noticia Internacional Trahando Plan pa tene Welga Nacional dia 20 di Augustus na Venezuela

Trahando Plan pa tene Welga Nacional dia 20 di Augustus na Venezuela

40
0
SHARE
- Advertisement -

Suplicando nan pa no participa den Censo di Transporte…

ORANJESTAD (AAN): Loke a pasa den fin di siman ora cu gran parti di Caracas a keda sin coriente, a marca e momento cu e cortina a cay!  E cortina cu semper tabata proteha e ciudad Venezolano di blackout.

Pero awor si el a socede, y ta demostra e condicion precario cu e sistema di coriente ta na Venezuela, y con profundo e crisis ta.  Esey ta loke e lider Venezolano di “La Causa R”, esta Andres Velasquez a laga sa.  E ta haya cu ta inaceptable cu e pais tin asina hopi energia, y tog ta pasa oranan largo sin coriente.

E ta keha cu gobernantenan a horta placa cu tabata destina pa inversion, mantenimento, y cumpramento di transformernan, pa asina bari for di mesa e acusacion cu ta sabotahe a causa e blackout.

Mientras e pais ta cayendo na pida pida, tog Nicolas Maduro y su comision di fanaticonan y su gobierno corupto, a cera nan mes den un Congreso di Partido PSUV, birando lomba pa pais y ignorando deliberadamente e crisis cu a dal e Venezolanonan.  Y awor a inventa pa raciona y aumenta prijs di gasolin, cu e uso di carnet de la patria, cu no ta nada otro sino pa tene mas control social, segun Velasquez a bisa.

E lider di La Causa R ta suplica Venezolanonan pa nan no participa den e Censo di Transporte cu Gobierno ta bay haci e siman aki.  Esaki lo tin di bira algo cu ta bay resulta den un Welga Nacional cu nan ta planea, y cu lo wordo divulga e dianan venidero.

Pero ya ta papiando cu kizas Dialuna 20 di Augustus lo ta e fecha.

E fecha ey ta esun cu Gobierno lo pone na vinor e cono monetario nobo.  Y cu e Welga General riba e mesun dia, lo bay manifesta na un forma publico cu nan ta rechaza e medida economico aki.

 

- Advertisement -

DUNA COMENTARIO

Please enter your comment!
Please enter your name here