Home General Tur partido politico a mustra riba necesidad conforme ley pa Serlimar tin...

Tur partido politico a mustra riba necesidad conforme ley pa Serlimar tin derecho pa cobra

206
0
SHARE
- Advertisement -

 

ORANJESTAD (AAN): Durante tratamento di Serlimar y maneho di desperdicio den Parlamento  Minister Otmar Oduber a ilustra detayadamente y bon documenta e situacion di e compania.

Banda di esaki e mandatario a elabora riba e hecho cu e discusion aki tin mas di un decada andando bou diferente gobernacion, pa loke ta esaki, Minister Oduber a splica cu a tuma e libertad pa busca comunicadonan di prensa publica den diferente corant den transcurso di añanan for di 2004 caba.

Locual cu a resalta ta cu den 2016/2017 e tono di e articulonan no a cambia y a tuma nota di diferente discusion, campaña, welga etc. relaciona cu dump Parkietenbos. ‘A yega tempo pa madura den e situacion aki, nos mester realisa cu e bienestar di nos Pais mester ta na prome lugar. Goberna kiermen cu bo ta tuma decision dificil tambe, pa garantisa e bienestar di comunidad’, Minister Oduber a bisa.

Den e caso di Serlimar, por mira cu esaki no tabata e caso, sino lo no tabatin un dump Parkietenbos cu ta 22 meter halto. Tin 15 aña cu decision no a worde tuma y lo pasa 15 aña mas tambe si decision no worde tuma awor. Pero ken lo para responsabel ora cu e sero di 22 meter sigui crece y ora haya un ‘breakout’ di malesa causa pa e situacion a higienico cu tin na e lugar.

‘Mi ta contento cu den e discusion aki, tur hende a bisa cu mester cobra, awor tin diferente opinion di si e tarifa ta social, flat, via belasting of via utilidad. Un cos ta sigur, tur organizacion politico, tur sindicato y tur organizacion comercial a expresa cu nan ta di acuerdo pa Serlimar cobra. Pues ban tuma e decision na bienestar di Serlimar y pa futuro di Aruba y proximo generacionnan. Y mustra cu e Parlamento aki a percura pa caba cu e desaster di Parkietenbos, Minister Oduber a bisa’.

E sistema proponi ta duna esunnan mas margina den comunidad cu no tin e poder pa tin un cas di nan mes lo no haya nan den e dificultad pa paga pa e servicio aki. Banda di esaki Minister Oduber a indica tambe cu e no tin nada contra si cambia e fecha cu kier a implementa e pago di 1 januari 2019, pa 1 maart 2019, si esaki ta significa cu por informa comunidad debidamente y cu tur hende ta cla pa cumpli.

Na e momentonan aki Serlimar ta traha den weekend, anochi y den diferente situacion di stress pa falta placa pa cubri uniform pa empleadonan, placa pa AZV, SVb etc., Minister Oduber a indica. Despues di 2 dia cu a trata e topico di Serlimar y Parkietenbos, mester bisa cu Parlamento a tuma tempo pa worde bon informa riba e desaroyonan cu ta tumando lugar cu Serlimar Sui Generis y alavez comunidad cu a sintonisa por a ricibi informa di e meta pa mihor maneho di desperdicio na Aruba y Serlimar su maneho.

Parlamento a presenta 5 mocion, e prome mocion a worde ‘ingetrokken’ door cu nan a ricibi suficiente informacion. Mocion #2, 3 y 5 a worde aproba y mocion #4 cu a worde presenta pa fraccion di AVP no a ricibi sosten.

Ta spera di por continua cu e etapa pa resolve e problematica di Parkietenbos por, trece trankilidad den Serlimar y conscientisa pueblo riba e importancia pa mantene nos pais limpi. Aruba ta di nos, y ta nos tur mester contribui pa mantene “Un Aruba Limpi”.

 

- Advertisement -

DUNA COMENTARIO

Please enter your comment!
Please enter your name here