Home Cultura Un Bibliobus lo wordo converti den Mobile Teclab

Un Bibliobus lo wordo converti den Mobile Teclab

12
0
SHARE
- Advertisement -

ORANJESTAD(AAN): — Lo tin desaroyonan nobo pa loke ta Bibliobus cu tin añanan largo para. Despues di cierto informacionnan por a mira cu el a move bay caminda cu e ta. Astrid Britten, director di Biblioteca Nacional, a indica cu nan ta sumamente contento cu riba e Bibliobusnan, pero tambe riba tereno di Biblioteca, tin desaroyonan cu ta bay tuma luga. Esaki ta cu un di e Bibliobusnan ta wordo converti den loke ta yama un mobile teclab cu na tur probabilidad, den luna di September, esaki por ta operacional.

Cu esaki a haci un adaptacion, un cambio riba esaki, cu lo pone panelnan solar riba dak di e Bibliobus. Pero, manera e palabra mes ta, e lo bira manera un teclibrary bus. Tur esaki den cooperacion cu Fundacion Futura, cu ta encarga cu e parti di innovacion. Eynan nan a uni forsa pa loke ta trata innovacion, sostenibilidad y enseñansa, cu ta bay man den man den otro pa loke ta trata e parti aki. Segun un itinerario, e lo ta para na diferente localidad durante di aña. Esaki ta bay wordo traha cu un rooster, unda cu e lo ta y mas informacion di esaki pronto lo ta bay ta conoci.

Banda di esey, loke cu ta conoce como Brenchie’s Lab, awo yama un Bibliomaker Space, tambe lo bay muda pa Biblioteca den George Madurostraat. Esaki ta un cooperacion hunto cu metabolic Foundation. Biblioteca ta hopi contento cu esey, pa por ofrece e hobennan e parti tecnolocigo tambe, parti di innovacion cu nan por haci uzo di dje, 3D Printers y mas obheto cu lo por keda uza. Contento riba esaki y ta spera tambe cu banda di esaki e otro Bibliobus tambe por ta riba caminda pa e parti di e servicio tambe cu bo ta combina no solamente cu bo tin e parti tecnologico, pero bo tin tambe e parti fisico cu ta e buki. Importancia di lesamento, nos no por sin keda pone enfasis con importante esaki ta.

Britten a splica cu na cuminsamento di aña a bin combersacionnan cu e fundacion Futura, pa loke ta trata implementacion di e Teclab y cu dado momento el a crece bira, den cooperacion cu Biblioteca, riba un mobile teclab, loke ta haci’e toch interesante y pa publico tambe.

Con cu bay bin mester keda comprometi, no solamente nos studiantenan, pero tambe comunidad di Aruba, cu e uzo di esakinan hopi biaha e ta wordo poni tambe como e parti di futuro cu ta importante pa haci, codering, tur e aspectonan cu locual ta yama 21st Century Skills, cu studiantenan mester tin pa por funciona di e manera aki.

E proyecto aki a keda aproba. Pa awor aki tin e fondonan disponibel. Britten a splica cu no sa si pa cuanto luna, pero mester mira con ta sigui cu esaki. Naturalmente esaki lo tin su cosnan mara na dje.

Tin di compronde cu nan ta trahando riba e bus actualmente. Tabata tin problema cu dak tabata leak, cual a wordo drecha, tin pensa di pone panelnan solar, tabata tin problema cu e vloer, cual tambe ta bezig cun’e. Trabaonan ta andando. E idea ta pa luna di September, esaki ta operacional.

E bukinan naturalmente a wordo saca. Aunke cu e Bibliobus cora cu a yega di uza, ya un tempo caba a saca e material afo. No por laga nan den un temperatura inconstante. E bukinan a wordo saca y wordo treci na Biblioteca. Pa loke ta trata esey, e trabaonan interno, pa loke ta material, ya no tabata tin esey ubica den e bus.

 

 

 

- Advertisement -

DUNA COMENTARIO

Please enter your comment!
Please enter your name here