Home Salud Un den cada 2 mucha tin sobrepeso of obesidad na edad di...

Un den cada 2 mucha tin sobrepeso of obesidad na edad di 10 aña 

107
0
SHARE
- Advertisement -

Na Aruba

ORANJESTAD   (AAN): Un biaha mas departamento di Salud Publico ta enfoca riba obesidad y alimentacion.

Ta defini obesidad/sobrepeso como e exceso abnormal di vet acumula y por uza diferente manera pa midi esaki, segun Ebrina Curett di DVG. E manera mas comun pa salud publico, ta e BMI.

E BMI ta un indice simpel cu ta uza peso y haltura di un persona, asina pa clasifica si e persona aki tin sobrepeso of obesidad. Y un otro manera pa midi esaki ta e circumferencia di cintura, unda ta midi e cintura y mas grandi esaki ta, mas riesgo pa e salud esaki tin tambe.

Pa hende homber 102 centimeter y pa hende muhe 88 centimeter. Tur cos cu ta riba esaki ta clasifica como obesidad. E ta indica tambe cu e vet acumula mas hopi rond di e organonan. E vet viseral. Claro cu esaki tambe trece su consecuencianan pa salud.

Obesidad ta un problema mundial. Ta wak esaki cerca adulto y mucha. Si mira e cifranan di Aruba, cu a saca di e health monitor di 2013. Por a mira cu e muchanan di 5 aña tin 21% di sobrepeso y obesidad. Y cerca e muchanan di 10 aña, esaki ta 41%.

Esey ta nifica casi 1 den cada 2 mucha tin sobrepeso of obesidad na edad di 10 aña. Obesidad cerca mucha ta duna un riesgo mas halto pa obesidad na edad adulto y enfermedadnan cronico cu nos ta wak hopi mundialmente.

Enfermedadnan manera malesanan di curason, diabetes, musculo eskeletico, presion halto, stroke, etc. Ya ta wak esaki mas y mas tempran cerca e muchanan. No solamente nan tin un riesgo mas halto pa haya enfermedadnan cronico, pero tambe ta duna nan problema di hala rosea, ta haya fracturanan mas lihe y tambe nan bienestar mental, tambe tin efecto door di sobrepeso y obesidad.

E miho forma ta prevencion. E ora ta bon pa crea diferente plataforma intersectorial. Ta traha na diferente nivel hunto pa preveni sobrepesio y obesidad y un bon ehempel ta, manera e programa di scol saludabel, cu ta un plataforma di e stakeholder y partner, stuurgroep di scol saludabel cu ta yuda e scolnan pa señala, educa mucha, maestro y e mayornan pa haci escogencianan mas saludabel

Esey kiermen cu e escogencia saludabel mas facil pa nan.

Ebrina Curett a splica cu ta purba door di diferente programa, y awo cu media tour, na scol, na e maestronan pa trece e concientisacion y duna e mayornan tambe e toolsnan pa nan por haci e bida di e mucha mas saludabel door di alimentacion y actividad fisico.

Ta wak tambe cu tin mas hende cu ta conciente di esaki. Semper por tuma contacto cu Ibisa of Jeugdgezondheidzorg pa haya mas informacion tocante esaki, door di charla, workshop, un sesion di grupo, etc.

Eynan por mira e importancia di diferente nivel, no solamente individual, pero tambe na e otro sectornan, cu por regula esaki. Kier pa esey ta reduci y duna mas opcionnan mas saludabel, unda cu por haci mas movecion. E industria di alimento tin opcionnan mas saludabel.

 

- Advertisement -

DUNA COMENTARIO

Please enter your comment!
Please enter your name here