Home Social Un tributo na e ciudadano hopi aprecia Johanna Dominica Figaroa Tromp di...

Un tributo na e ciudadano hopi aprecia Johanna Dominica Figaroa Tromp di Noord

61
0
SHARE
- Advertisement -

ORANJESTAD (AAN)L Señora Johanna Dominica Figaroa Tromp, cariñosamente yama “Mamai, Nana of Nachi” tabata un un persona hopi aprecia y special pa su amistadnan y por bisa pa henter Aruba, debi na su amor pa yuda e ser humano.

Señora Johanna a nase den e bario di Alto Vista y despues a bay biba na Montana, caminda el a pasa mayoria di su bida. Mamai tabata semper kier a yuda tur cu yega su cas, sea cu remedi di tera of remedi cu e mes tabata prepara, debi na e done di Dios cu el a haya ya desde un edad hopi jong.

Cu oracion y hopi Fe, Mamai tabata atende tur cu bati na su porta, pa asina haya un ayudo. Tin hopi storia relaciona cu tur loke Mamai a logra den su bida y tin teasta storianan caminda cu hopi oracion y su fe grandi, a yega di yuda personanan cu tabata tin problema pa sali na estado, pa logra esaki.

Mamai tambe ta conoci como un di e baluartenan di e distrito di Noord y tabata un persona conoci como esun encarga pa toca orgel di misa tanto na Misa santa Anna na Noord como na misa di Tanki leendert. Como un persona cu hopi Fe dn senor, Mamai a cuminsa cu caminda di cruz, cu tabata sali di su cas, rumbo pa Kapel di Alto Vista, hunto cu su yiunan y algun conocir.

Cu tempo e grupo cu tabata acompaña Mamai, a bira hopi grandi y ta hopi di nos lo bay sinti  falta di e Caminda di Cruz, acompañando Mamai cu oracion te Kapel di Alto Vista. Na papiamento tin un dicho cu ta bisa, na ora di bo mrto, bo ta conoce con e persona a biba su bida y durante di e entiero di Mamai, nos por a reconfirma esey, mirando cuanto hende a bin duna sosten na e famia cu a keda atras cu e bashi aki, cu e baymento di Mami pa e Reino di Dios.

DIARIO ta haci uso di e espacio aki, pa manda palabranan di hopi forza na e yiunan, rumannan y conocirnan di señora Johanna Figaroa Tromp y cu Dios Todopoderoso tume den Su Reino braza habri.

- Advertisement -

DUNA COMENTARIO

Please enter your comment!
Please enter your name here