Home Enseñanza Universidad di Aruba studiando posibilidad pa duna les online

Universidad di Aruba studiando posibilidad pa duna les online

88
0
SHARE
- Advertisement -

Debi na hopi demanda y poco espacio:

ORANJESTAD (AAN) –Den entrevista cu mr. Glen Thode, rector di Universidad di Aruba, el a indica cu e interes pa sigui estudio academico na U.A, ta creciendo.

Hopi hende a atende e Open House cu tabatin ultimo.

Universidad di Aruba a amplia e oportunidad pa studia ley. Tambe a habri e oportunidad pa studia part-time pa studiantenan cu tin un trabao. E interes tabata hopi, cual ta algo sumamente positivo, pero alaves ta preocupa pa espacio na Universidad. Esaki ta un reto cu Universidad a premira caba. Ta planiando di forma inteligente pa haci uso di e espacio actual pa acomoda tur e studiantenan.

Tin diferente manera pa acerca esaki. Un di nan ta pa haci bon uso di e espacio actual. E otro ta pa amplia e espacio. Tin un tercer cu ta pa adapta e forma con ta duna e les. Esaki ta ora un studiante por haci su estudio online y no mester bishita e espacionan cu tin na Universidad pa haci esaki. Pesey, Universidad ta preparando un formacion pa e docentenan por adapta nan mes na e forma di duna les aki.

Tambe ta buscando pa amplia e espacio alrededor di e edificio cu Universidad tin dilanti Post Kantoor. Tabatin e ambicion pa expande tanto patras y na banda di e edificio, cual actualmente tin otro usonan. Banda di esey, sr. Thode ta splica cu no ta tur studiante kier studia e estudionan cu Universidad ta ofrece. Esaki ta haci’e un situacion fastioso pa e studiantenan cu kier keda na Aruba.

 

- Advertisement -

DUNA COMENTARIO

Please enter your comment!
Please enter your name here