Home General Usuarionan di Arubus kier puntra minister ki dia e busnan cu airco...

Usuarionan di Arubus kier puntra minister ki dia e busnan cu airco ta yega Aruba

50
0
SHARE
- Advertisement -

ORANJESTAD (AAN) – Un biaha mas varios usuario di Arubus ta tumando contacto cu nos redaccion, pa duna comentario tocante e condicionnan deteriora di mayoria di bus di Arubus.

Esaki ta un problema serio pasobra tin busnan cu nan bentanan no ta habri suficiente pa aire circula y e calor paden ta insoportable. Esaki ta e busnan cu a wordo traha pa funciona cu airco, pero aworaki practicamente un bus so tin airco den funcionamento.

Tin usuarionan cu incluso ta desea pa Minister sinta den un di e busnan den e oranan di mas calor, cu ta entre 10 or di mainta te 3 or di atardi (tin biaha te 5’ or ainda), pa e sinti kico e pasaheronan ta sinti.

Pero e pasaheronan alomenos ta yega nan destino y ta baha for di e bus, pero e chofernan ta core ora tras ora full suda, di baina por dal un drop di awa pasobra nan no por descuida nan atencion riba caminda. Y e pasaheronan ta expresa cu nan tin duele di e chofernan mirando e condicionnan bao cual nan ta traha.

Como seguidornan di noticia, varios pasahero a scucha na radio e minister papia y a lesa den corant, y wak via television e promesanan cu minister di transporte a haci pa soluciona e problema di mal estado di e busnan y falta di airco, unda el a anuncia cu temporalmente lo tin nuebe bus di “second hand” cu ta bin for di Hulanda y cu ta den bon estado y tin airco. Pero te ainda, no a mira nada haci realidad, nada concreto.

Pues nan ta sinti cu ta ora pa traduci palabra den hecho y cuminza actua, pasobra e tarifa ta caro pero e servicio hopi deficiente, no pa motibo di e chofernan cu ta haci tur nan best, pero debi na e deterioro di e busnan mes. Tin biaha e pasahero ta spanta pasobra ora e bus ta core ta hole manera gas of gasoline, y ora un pasahero ta baha di bus e mes ta mira cuanto huma cu holo stinki ta sali for di e parti patras di e bus.

Pesey un biaha mas nan ta yama redaccion di DIARIO pa trece dilanti nan frustracion como pasahero, y cu tambe nan ta boga pa mihor condicionnan pa e chofernan traha, pasobra na final di dia ta nan ta responsable pa cada persona cu nan ta transporta, y nan kier pa nan traha confortable y saludable, locual no ta posible si nan ta traha tanto ora den calor sofocante y  tur suda, cu no ta bon pa nan salud.

- Advertisement -

DUNA COMENTARIO

Please enter your comment!
Please enter your name here