Home Gobierno Warda Nos Costa a detene un Arubiano pero no tabata tin incidente...

Warda Nos Costa a detene un Arubiano pero no tabata tin incidente cu Hefe di Warda Nos Costa

124
0
SHARE
- Advertisement -

Segun Minister Bikker:

ORANJESTAD (AAN) – Den conferencia di prensa extraordinario yama cu caracter di urgencia pa Minister di Husticia mr. Andin Bikker, Diadomingo, el a referi na e incidente cu a tuma lugar Diabierna cu a pasa y cu tambe a haya hopi atencion di e rednan social di nos pais.

Minister di Husticia tabata acompaña pa e Hefe di Warda Nos Costa, Comisario sra. Trudy Hassel, cu por cierto a keda extremadamente keto, sin cu a pronuncia ni un palabra, al respecto.

Minister Bikker a elogia na prome lugar e trabao di Warda Nos Costa, cu ta realizando su controlnan rutinario. Asina tabata diabierna tambe, y segun e mandatario tin diferente storia a wordo treci dilanti, cu no ta cuadra segun su version.

E mandatario a declara cu el a tuma contacto cu sra. Hassel riba otro tema, y e dama a pone al tanto cu ta bay tin accion.

Despues di un rato e mandatario a ricibi yamada di un di su coleganan ken a informe cu e tin entendi cu tin un Arubiano cu a wordo deteni pa Warda Nos Costa, y e ora ey el a yama puntra sra. Hassel si esey ta e caso.

Sra. Hassel a bise cu e personanan ainda ta den e establecimento y cu e ta bay puntra y ta informe.

Minister Bikker a subraya cu e solamente a yama riba e preocupacion cu a wordo expresa na dje, cu tin un Arubiano deteni door di WNC.

Su preocupacion tabata debi cu e ley LTU ta diseña solamente pa esnan cu mester tin permiso, pero ora ta trata di un Arubiano, ta hopi fastioso pe si wordo deteni.

E minister a nenga rotundamente cu el a yama sra. Hassel pa bise pa laga hende bay. Mas bien el a bin compronde cu tres trahador no tabata tin permiso y e propio compania a cumpra nan pasashi y nan a abandona Aruba. Pues boluntariamente, nan a wordo expulsa.

E mandatario a splica cu el a compronde di sra. Hassel cu nan a emiti un multa pa e compania y esaki ta den proceso y nan ta hibando e maneho aki cu tur compania cu wordo haya cu persona indocumenta den servicio.

Minister Bikker a acentua cu no tabata tin nada di faboritismo, ni cu el a yama pa entromete den ken teynan y a reitera cu el a haya basa riba e preocupacion cu tin un persona Arubiano deteni.

 

- Advertisement -

DUNA COMENTARIO

Please enter your comment!
Please enter your name here