Home Gobierno WEB y TNO lo encarga cu “waste management” cu ta conduci na...

WEB y TNO lo encarga cu “waste management” cu ta conduci na produccion di energia

95
0
SHARE
- Advertisement -

Minister Otmar Oduber:

ORANJESTAD (AAN) – E tema di maneho di desperdicio tabata riba agenda di Minister di Infrastructura, Medio Ambiente y Desaroyo Teritorial, den conferencia di prensa di gobierno di Diahuebs.

Siman pasa, mediante Conseho di Minister, a aproba e ruta definitivo cu ta bay cana encuanto ROP entorno e maneho di desperdicio, cu lo mester tuma lugar na final di October venidero.

E mandatario a duna di conoce cu gobierno a apunta WEB Aruba NV como e instancia cu ta bay tuma e trayecto di ROP pa loke ta concerni maneho di desperticio pa produccion di energia (Waste management to energy).

TNO a wordo apunta como e instancia cu lo trata remediacion di Parkietenbos, pa por cura, drecha, tapa y laga e dump pa pasado. Esey kiermen para tur actividad y remedia e sitio aki.

Den Conseho di Minister a tuma e decision tambe cu lo ubica e tecnologia cu nan a aproba tambe, pa bay den e sistema di incinerator cu ta kima sushi y produci coriente.

A palabra cu lo bay pa un construccion financiero conoci como un BOO Construction mescos cu a tuma lugar na e molinanan di biento na Vader Piet,  sin mester bay na un proceso di PPP ni tin e peso riba e presupuesto di Aruba.

Ademas, a tuma e decision cu Barcadera lo bira e ubicacion nobo di e centro di kima sushi y produci coriente, como tambe e compleho nobo di e “sanitary landfill” cu lo mester wordo crea un bez cu lo cera Parkietenbos por completo.

E decisionnan aki a wordo haci conoci pa e Comision Waste Management cu ta bao direccion di sr. Robert Kock, y proximamente lo presenta e siguiente pasonan na Parlamento y Conseho di Minister pa loke ta trata henter e proceso di ROP.

- Advertisement -

DUNA COMENTARIO

Please enter your comment!
Please enter your name here