Home Policial 25 ilegal a yega tera y 1 a wordo gara den marduga...

25 ilegal a yega tera y 1 a wordo gara den marduga den Sero Colorado

176
0
SHARE
- Advertisement -

ORANJESTAD (AAN):  Den marduga pasa di 1or diasabra tabata tin varios unidad di Kustwacht riba caya moviendo. Tres unidad tabata patruya costa entre otro pariba. Asina mes e ilegalnan a yega tera na Rodgers Beach.

E patruya di San Nicolas a topa cu un ilegal cu net a drenta Sero Colorado y pabou di e misa. Esaki tabata den e area di e Condominium den construccion. Polis a detene y cuminsa hacie pregunta. El a splica cu nan tabata como 25 persona den e boto.

Ora e patruya di San Nicolas a descubri e ilegal, mesora e demas unidadnan di Kustwacht a bolbe na e sitio. Asina a cuminsa busca full den e hotel y na costa pero sin resultado positivo henter marduga.

E unico ilegal a wordo hiba warda di San Nicolas den Dog Catcher. E buskeda a sigui mainta y asina a logra gara varios di e ilegalnan mientras cu otronan tabata core drenta mondi.

Marduga a mira presencia tambe di helicopter di Kustwacht cu a bin duna un man. Tambe a mira presencia di personal di Team di Aresto cu tabata den Sero Colorado.

 

 

 

- Advertisement -

DUNA COMENTARIO

Please enter your comment!
Please enter your name here