Home CORTE 4 aña di prison pa homber cu a viola y menaza prostitutanan...

4 aña di prison pa homber cu a viola y menaza prostitutanan na Sero Patrishi

350
0
SHARE
- Advertisement -

ORANJESTAD  (AAN): E homber Carlos Gutierrez a tende for di huez cu e mester sinta cuater aña di prison pa violacion di un prostituta y menaza cu arma. Dos acusacion riba dos diferente persona.

E homber aki biba den casnan di Pueblo di Sero Patrishi a pasa busca un prostituta den e area di Johan de Witstraat cu Koningstraat.  El a bay cune na e cas unda su wela ta biba. Eynan el a abusa sexualmente di e muher.

E muher kier a purba huy y tabata grita. Bisiña cu a scucha a sali yuda. El a mira con e homber tabata zwaai y manda cuchio riba e muher. Finalmente e muher a logra scapa y core bay sunu. Un otro auto eybanda a pasa y yude y trece bek. El a conta e dama cu a yude tur loke a sosode cune.

A resulta cu el a wordo  viola y herida. A menaze tambe. Despues cu Polis a yega na e adres a busca pa e homber Carlos Gutierrez. Polisnan sa caba mas of menos ken e ta. E tabata tin un estilo Guajiro. A drenta den e cas cu permiso di e doño pero no a topa cune. E bisiñanan a insisti cu e homber ta den e cas scondi.

Polisnan a bay haci un di dos intent y asina a bin haya e homber scondi den un camber. El a resisti pisa y cos no tabata facil pa logra domine. Sla a cay y el a keda herida tambe. Dos acusacion tabata tin contra dje.  Violacion y menaza di dos prostituta.

E prome caso e violacion e keda proba. E di dos di acusacion  di menaza cu arma  a keda proba tambe pero no violacion. Fiscal a pidi cinco aña y a huez a dicta cuater aña contra Carlos Gutierrez.

- Advertisement -

DUNA COMENTARIO

Please enter your comment!
Please enter your name here