Home General A firma MOU cu e meta di duna miho cuido pa nos...

A firma MOU cu e meta di duna miho cuido pa nos grandinan y personanan mas vulnerabel

31
0
SHARE
- Advertisement -

ORANJESTAD (AAN): Diahuebs atardi, na Stichting Algemene Bejaardenzorg Aruba SABA, a tuma lugar e firma di un Memorandum of Understanding (MOU), entre Ministerio di Turismo, Salubridad y Deporte cu Minister di Asuntonan Social y Labor.

Minister Dangui Oduber a bisa cu esaki ta un momento historico y ta trata di trabaonan cu a wordo haci pa varios luna  unda negociacionnan a tuma lugar cu SABA, Ministerio di Salubridad Publico (DVG), Directie Sociale Zaken, Stichting Ambiente Feliz,  Stichting voor Verstandelijk Gehandicapten Aruba, y tambe CEDE Aruba.

E compromiso cu nos grandinan y personanan cu limitacion ta sigui, percurando pa nan ricibi un cuido di calidad.  A acuerdo aki a wordo firma cu e meta  pa activa e centro di cuido pa personanan cu limitacion.

Mientras cu ya pa casi 10 aña tin tres edificio para bashi na Centro di cuido San Nicolas, tanto S.A.B.A. y  Stichting Ambiente Feliz tin e ambicion pa duna mas atencion na e personanan mas vulnerabel den nos pais.

Cu sosten di CEDE Aruba Stichting Ambiente Feliz hunto cu S.V.G.A. y Fundacion Guia Mi a prepara un proyecto cu ta enfoca riba e centro di cuido pa nos grandinan y personanan cu limitacion, cu lo opera 24 ora pa dia. Di e forma aki tanto grandi como chikito por ricibi e cuido necesario. Lastimamente, te cu awo, pa motibo financiero, no por a ehecuta e plan aki.

Cu e firmamento di e acuerdo aki, ta crea e posibilidad pa  ehecuta e plan di cuido aki riba menciona. Lo bay haci uso di edificionan cu ya caba pa 10 aña ta bashi y cu tin e espacio y capacidad pa ehecuta e plan aki.

E plan lo conta cu e financiamento di fondonan di e crisisplan presenta door di Gabinete Wever-Croes I, na unda ya tin placa reserva pa e proyecto di S.A.B.A. hunto cu Stichting Ambiente Feliz. Na inicio di e di tres kwartaal di e aña aki, tur e partidonan envolvi lo sinta hunto pa delinea con lo haci e comparticion y uzo di e facilidad aki.

Cu sosten di Departamento di Asunto Social y DVG, lo yega na un concepto di contracto, caminda tur partido lo tin su debido tarea, beneficiando di e forma aki e personanan mas vulnerabel den nos pais.

- Advertisement -

DUNA COMENTARIO

Please enter your comment!
Please enter your name here