Home arte y espectaculo A sold out 700 Jeon Special Tickets den 1 ora

A sold out 700 Jeon Special Tickets den 1 ora

62
0
SHARE
- Advertisement -

Pa e “Island Takeover Festival”

ORANJESTAD: Diamars mainta a sali riba mercado e carchinan den e categoria di Early Bird. Cu esaki Aruba por sali y busca nan carchi pa mira J Balvin, Bad Bunny, Alex Sensation y Jeon dianan 1 – 4 di November 2018 na Aruba.

Diasabra mainta ultimo filanan largo di hende a para pa probecha di un prijs special (Jeon Special). Den un tempo record di 1 ora y 15 minuut, tur 700 carchi cu tabata disponibel a wordo bendi.

Awor e carchinan ‘Early Bird’ lo ta obtenibel. Asina cu e carchinan di Early Bird caba, e prijs lo sigi subi. Pa e motibo aki ta recomenda tur hende pa cumpra nan carchi diamars mes.

Ora ta papia di 4 dia di festival ta referi na e ‘Welcome Party’ Diahuebs dia 1 di November, sigi pa e concierto mes cu lo ta Diabierna dia 2 di November na Harbor Arena.

Diasabra na Renaissance Pool Party y na Surfside Beach lo tin e famoso fiestanan presenta pa EF y Partai cu e genero electronico. Diadomingo tur cos ta termina cu e closing party cual tambe lo ta riba beach cu musica varia.

Por a tuma nota cu tin hopi pregunta si pa e evento aki lo tin mesanan vip. Esaki por a compronde cu lo ta e caso.

Organisadornan esta Elite Empire Entertainment a tuma nota cu tin un interes sumamente grandi for di Aruba pero tambe den exterior. Entre otro Colombia, Venezuela y Merca cu lo ta viahando pa por mira J Balvin, Bad Bunny, Alex Sensation y Jeon. Naturalmente lo tin hopi otro atraccion cu lo sa di hasi un exito total di e fin di siman aki di Island Takeover.

 

- Advertisement -

DUNA COMENTARIO

Please enter your comment!
Please enter your name here