Home arte y espectaculo ANGELA BAIDEZ CU CONFERENCIA DI MUSICA NA UNIVERSIDAD DI ARUBA

ANGELA BAIDEZ CU CONFERENCIA DI MUSICA NA UNIVERSIDAD DI ARUBA

67
0
SHARE
- Advertisement -

Pa Addonsito Croes

E siman cu a pasa, e cantante Angela Baidez a duna un  tremendo Conferencia di Musica na su publico den sala 4 di Universidad di Aruba. Hunto cu maestro gitarista,  Ryan Maduro,  Angela a pasa den algun faceta importante di su bida musical y a menciona e influencia nan mas importante di musica riba nos bida.

Musica ta cambia bida y ta duna nos  paz mental. Musica ta scapa bida. Asina Angela a comparti dos ehempel masha profundo den su carera, cu tanto a cambia su bida y bida di algun fiel fanatico di su persona.

Aki Angela a conta con bida di un mucha a ser scapa ora cu su mama a scucha e cancion “padre mio quiero pedirte” di Angela na radio. Angela keto bay ta presenta tur parti y e miho regalo pa e artista aki, ta keda e aplauso cu e ta ricibi.

Corda semper cu musica ta ser acepta como algo natural den nos bida como cu e ta keda e lenguahe magico cu ta uni mundo. Musica ta considera como e gymnastiek pa nos alma y e ta aumenta amor den nos.

Dios a crea musica. E publico a aprecia hopi e interpretacion di e cancion “ La Alfonsina y el mar” di e fayecido cantante Mercedes Sosa.

Si tin grupo of organisacion cu ta desea un presentacion di e conferencia I di Angela y Ryan, por bishita e pagina riba Facebook di e cantante Angela Baidez.

Un y tur ta cordialmente invita pa dia 24 di october 2018 na e Conferencia II cu lo ta riba Musica flamenco!  Angela lo bisti y canta Flamenco na Universidad di Aruba.  Sea bon  bini!

- Advertisement -

DUNA COMENTARIO

Please enter your comment!
Please enter your name here