Home General Apertura di Exposicion “Den Wowo di Noord” na MFA Noord

Apertura di Exposicion “Den Wowo di Noord” na MFA Noord

16
0
SHARE
- Advertisement -

ORANJESTAD (AAN): Bureau MFA conhuntamente cu Sr. Richard Wout ta presenta e apertura di e exposicion “Den Wowo di Noord”. E apertura lo tuma luga diabierna awo 7 di september di 3’or pa 5’or di atardi na MFA Noord.

Durante e exposicion aki lo expone diferente dibuho cu topiconan cu ta relata na e districto di Noord di pasado y awendia. Hunto cu e dibuhonan aki y esnan di e exposicion anterior “Blanco y Preto”, ta e intencion pa traha algun buki di kleur pa nos muchanan.

E exposicion aki lo ta disponibel na MFA Noord den e proximo simannan. Un invitacion cordial na pueblo di Aruba, en especial e bario di Noord, pa pasa bishita MFA Noord y disfruta di e dibuhonan aki.

Mision di Bureau MFA ta pa ofrece diferente servicio sea publico of priva mas efectivo y mas cerca di cas y tambe promove y facilita e participacion y interaccion social y cultural di e ciudadanonan den comunidad sea cu actividadnan educativo, recreativo y social/cultural pa tur edad.

 

- Advertisement -

DUNA COMENTARIO

Please enter your comment!
Please enter your name here