Home General Archivo Nacional Aruba a ricibi artefacto historico di famia Ecury

Archivo Nacional Aruba a ricibi artefacto historico di famia Ecury

287
0
SHARE
- Advertisement -

ORANJESTAD (AAN): Recientemente Archivo Nacional Aruba (ANA) a ribici un artefacto historico di famia Ecury. E artefacto historico aki ta un “gong” di koper. Un “gong”, na Spaño yama “gongo” ta piesa den forma di un disco di brons of koper. Esaki ta worde colga generalmente na algo y ta haci un sonido ora di dale cu un pida palo. E “gong” ta un piesa di origen oriental/asiatico.

E “gong” aki tabata colga antes na e cas di famia Ecury situa na Schelpstraat 42, cas di famia Sr. Dundun Ecury y Señora Anna Paulina Ecury-Ernst, mayornan di “Boy” Ecury.

E “gong” di koper aki ta den forma di un cabes di cabay. E “gong” aki tabata worde uza pa yama e famia hunto, p.e. ora cu cuminda ta cla.

Na e cas aki Sr. S.J.A. “Boy” Ecury a nace y biba durante e añanan prome cu el a bay Hulanda pa su estudio. Ta door di su permanencia na Hulanda den tempo di Segunda Guera Mundial, el a participa den e movemento di resistencia durante e Segunda Guera Mundial den añanan 40, di siglo pasa.

E “gong” di koper aki a worde entrega na Archivo Nacional Aruba door di Sr. Boy Ecury, kende ta yiu di Sr. Nicky Ecury y ta subrino subrino di S.J.A. “Boy” Ecury.

Sr. Nicky Ecury tabata hunto cu su ruman Sr. S.J.A. “Boy” Ecury na Hulanda pa su estudio y durante tempo di guera Nicky tabata miembro di e “Limburgse Stoottroep”, cu tambe tabata un acto di resistencia contra e ocupacion di Hulanda.

Actualmente e cas den Schelpstraat ta worde considera un monumento y ta worde maneha pa gobierno di Aruba desde aña 1997. Desde aña 2007 e Museo Archeologico di Aruba ta situa den e edificio.

E “gong” lo worde warda na ANA, caminda cu e lo worde preserva y lo worde haci accesibel pa esnan cu ta haci investigacion tocante topiconan relata na e artefacto, y pa uso pa publicacion y exposicion.

- Advertisement -

DUNA COMENTARIO

Please enter your comment!
Please enter your name here