Home Policial Aresto a tuma lugar den caso di ATM Machine Skimming

Aresto a tuma lugar den caso di ATM Machine Skimming

1820
0
SHARE
— Sospechoso gara na momento cu e kier a bandona Aruba.
- Advertisement -

ORANJESTAD (AAN): Diahuebs den oranan di merdia, informacion a drenta cu tres anti-social lo a manipula y pone card-skimmers na un forma genial na e ATM-Machine di RBC Bank cu tin instala den un vestibulo na e edificio di Bright Bakery na Piedra Plat.

Nan lo a usa material di plastico, traha den forma similar cu e plachi unda bo ta hinca e carchi di banco.  Esaki tin un reader scondi, cu ta lesa e informacion di e carchi.  Y e lo mester tin un forma pa lesa of graba con bo ta hinca e PIN-Code den e keypad.

E banco mes no kier a duna informacion, pero ta mustra cu algun hende lo a bira victima ora cu nan a usa e machine aki, sin ripara cu e tin algun plachi falso poni su dilanti.

Ora cu e asunto aki a wordo descubri, alarma a ser bati.  Pero e no a bay via e canalnan normal di prensa of autoridad.  El a cuminza circula via Whatsapp.

E mensahe riba Whatsapp a wordo traha na un forma, cu el a trece panico innecesario den pueblo.   Hendenan a cuminza re-transmiti e mensahe ey, treciendo mas hende den panico, y tabata urgi hende pa NO haci uso di ATM-Machine na Aruba.

Mientras tanto prensa no a haya ningun informe oficial, tampoco di autoridad no a haya esaki.

Te banda di 6:15 pm porfin a bin haya informacion di vocero Policial.  El a indica cu Diahuebs durante dia, e banco a duna keho di un of otro manera hendenan lo a pone cierto aparatonan ariba nan ATM-Machine.

Recherche trahando conhuntamente cu Grenspolitie a logra detene e prome sospechoso den a caso aki.

Segun vocero, Recherche ta trahando duro ariba e caso.

Mientras tanto ya caba tur ATM-Machine na Aruba a wordo controla y President di Asociacion di Bankeronan, Elvin Maduro a sigura den un boletin, cu tur ATM-Machine na Aruba ta safe pa usa.

Aruba Bank tambe a emiti un relato pa bisa cu nan Ekipo di Seguridad a revisa y conclui cu nan machine ta full bon.

Un sugerencia na tur esnan cu ta usa ATM-Machine, pa prome cu bo hinca bo carchi den e reader, pa bo check bon si e pida dilanti ey ta falso of no.

Potret a circula tambe di e 3 personanan sospechoso cu a drenta den e Vestibulo di RBC su ATM-Machine na Piedra Plat.

Ya caba uno ta deteni, net na momento cu el a trata na bandona Aruba.

- Advertisement -

DUNA COMENTARIO

Please enter your comment!
Please enter your name here