Home General Arubaanse Voetbal Bond no sa di ningun cargamento di bala

Arubaanse Voetbal Bond no sa di ningun cargamento di bala

90
0
SHARE
- Advertisement -

ORANJESTAD (AAN): “Nos no tabata sa di ningun cargamento di bala di CONCACAF pa AVB. Ta riba Facebook nos tambe a mir’e, pero nos no conoce e agencia di carga ey y mi persona nunca a worde notifica cu tin carga pa nos”, asina ing. Richard Dijkhoff, Presidente di Arubaanse Voetbal Bond (AVB) a reacciona riba e publicacionnan riba red social relaciona cu destruccion di un cargamento di bala.

“Ohala nan por a informa nos di e cargamento pa asina nos por a haci e tramitenan financiero pa asina ainda evita cu nan a worde destrui. Pasobra pa AVB ningun momento e lo tabata un problema pa paga e invoerrechten, manera cu varios personanan a insinua” asina e Presidente a splica.

“Na e momentonan aki mes AVB a caba di paga un suma basta halto na invoerrechten pa 2 container cu a yega cu materialnan pa parti entre e clubnan miembro y no ta asina cu AVB no tin fondo pa por a saca e balanan aki tambe”. E federacion di futbol di nos isla regularmente ta bestel bala y ta parti nan entre e clubnan afilia.

Ta bon pa aclaria si cu Directiva di Arubaanse Voetbal Bond (AVB) a keda sorprendi cu e publicacion. AVB ta sigura di no tabata sa di e cargamento aki.

Riba e potret por mira un label cu ta bisa cu nan ta procedente di CONCACAF y ta skirbi nomber di e Presidente di CONCACAF di e tempo ey. Dicho persona ey mes tin varios aña caba di no ta Presidente mas di CONCACAF y AVB ta sigura cu no ta trata di un cargamento recien manera hopi hende ta kere.  Na e diseño di e bala por tuma nota tambe cu e modelo ta hopi bieu y no ta uza nan mas. Asina mes, AVB a check den su bukinan y no por mira ningun caminda cu a traha cu e agencia di carga den cuestion. A purba haya contacto cu nan awe via telefon pero envano.

Pa casualidad, AVB mes ta den proceso pa parti 500 bala di futbol cu nan tin den stock. Ta deliberando cu e clubnan di futbol pa mira cuanto liga nan tin pa parti e balanan. Mientrastanto a haci un otro pedida di 1.500 bala adicional cu lo bay na e clubnan.

Arubaanse Voetbal Bond ta enfatisa cu regularmente sa haya cargamento di bala tanto for di CONCACAF como for di FIFA y ta percura pa distribui e balanan baou di e ekiponan.

Por ultimo e bond di futbol ta enfatisa cu AVB no ta e broker menciona den e articulo di Aduana na cual ta referi na dje kendenan a duna ordo pa destrui e balanan.

- Advertisement -

DUNA COMENTARIO

Please enter your comment!
Please enter your name here