Home Gobierno ATIA ta apoya cobranza pa maneho di sushi na hotel, condominium y...

ATIA ta apoya cobranza pa maneho di sushi na hotel, condominium y turistanan

38
0
SHARE
- Advertisement -

Minister Otmar Oduber:

ORANJESTAD (AAN) – Minister Otmar Oduber, titular di Infrastructura, Medio Ambiente y Desaroyo Teritorial, a toca otro punto importante den conferencia di prensa, riba cobranza pa maneho di sushi na diferente otro sector.

El a referi na hotel y condominium, cu ta exonera aworaki for di e cobranza segun e maneho cu tabata tin anteriormente, unda Aruba a haya un cantidad di condominium cu no ta wordo cobra of cas cu hendenan di afo a cumpra y cu aworaki lo cobra cada un di e viviendanan aki mescos cu Arubianonan ta paga pa nan cas.

Lo tin un tarifa adicional pa e turistanan cu ta bishita nos Isla unda lo pone un of dos dollar riba e tarifa existente.

E mandatario a scucha ex-minister di infrastructura, awor Parlamentario, bisa cu 14 miyon florin lo sali for di e turistanan, locual Minister Oduber a señala no ta e caso. Minister Otmar Oduber a subraya cu esaki ta hunga cu e informacion.

E dignatario tampoco ta haya corecto pa no pone un turista cu tambe ta genera sushi na e momento cu e ta na Aruba, responsable pa esaki.

Riba esaki el a combersa cu ATIA Diabierna, unda a bin diferente proposicion dilanti, y e instancia a considere como algo positivo y no ta mira tampoco cu e lo tin consecuencia riba nos turismo ni cu pa e motibo aki e lo no bolbe Aruba.

Al contrario, si e por compromete mirando cu nos tin Aruba hopi mas limpi como producto turistico, e ta na bentaha pa nan mescos cu pa nos localnan.

 

- Advertisement -

DUNA COMENTARIO

Please enter your comment!
Please enter your name here